Hustadvika (havstykke)

Hustadvika er eit av dei mest berykta havstykka langs kysten. Her «Ramnfjord» på grunn 13. april 2012.

Foto: Kystverket (2012).

Hustadvika er eit ope havstykke mellom Molde og Kristiansund i Møre og Romsdal. Det er særs farleg farvatn, då det er grunt og har mange små øyer og skjær. Norskehavet står rett på, så det er ofte dårleg ver i området. Det har difor vore mange forlis på Hustadvika, mellom anna det mykje omtalte Rokta-forliset i 1938.

I den nordlege enden står Kvitholmen fyrstasjon, og i den søndre Bjørnsund fyrstasjon.

Då kommunane Eide og Fræna vart slått saman i 2020 tok den nye eininga namnet Hustadvika kommune.

Kjelder

• Hustadvika i Store norske leksikon
• Kort dokumentar
• Faktaark fra Kartverket finnes.