Kalvelien (veg i Bø i Telemark)

Kalvelien sett sørover frå Lifjellvegen.

Foto: Roy Olsen (2018).

Kalvelien er ein 200 meter lang hytteveg på Lifjell i Bø i Midt-Telemark kommune som går sørover frå Lifjellvegen. Han er stengd med bom og ender ved speiderhytta Speiderbo.

Vegen har namn etter lokaliteten Kalveliane og blei namnsett i 2013. På bødialekt uttalast fleirtalsforma «liane» som «lien».

Speiderbo blei sett opp på «Appelsinhaugen» i 1952.

Kjelder

• Kartverket, norgeskart.no
• Bø kommune, Utval for plan, teknikk og næring sak 102/13.
• Notis i Telemark Arbeiderblad 19. april 1952.