Nord-Etnedal boksamling

Nord-Etnedal boksamling, Etnedal i Valdres, var eit soknebibliotek som vart etablert i 1896. Soknestyret hadde dette året samla inn 60 kroner til ei boksamling for Nord-Etnedal sokn, også kalla Ton (Thon) etter kyrkjestaden. Same året søkte dei staten om eit tilsvarande bidrag, og det vart vedteke lovar og vald eit styre, Thons Bogstyre.

Også i Bruflat, det andre soknet i Etnedal, vart det bygd opp ei boksamling på denne tida, og historikaren Harald Hvattum ser begge soknebiblioteka i samanheng med at Etnedal vart eigen kommune i 1894.

Kjelder og litteratur

• Hvattum, Harald: Etnedal kommune 1894-1994. Utg. Etnedal kommune. 1993. 264 s. Digital versjon på Nettbiblioteket, s. 39.

Denne siden er en spire. Du kan hjelpe den til å vokse seg stor og sterk! Denne sida er ei spire. Du kan hjelpe henne til å vekse seg stor og sterk!