Sør-Aurdal historielag
Sør-Aurdal historielag er ei lokalhistorisk foreining i Sør-Aurdal kommune i Valdres. Laget vart stifta i 1980 som eit lokallag av Valdres historielag. Det «har til formål å vekke interesse og skape forståelse for Sør-Aurdals historie. Det skal arbeide for å utbre kjennskap til vår kulturarv og våre kulturminner av alle slag».
Laget har sidan 1982 gitt ut Sagn og Soge i Søndre Ourdahl annakvart år, samt fleire lokalhistoriske bøker. I 1995 vart laget tildelt Sør-Aurdal kommunes kulturpris. Ein av grunnleggjarane og formann gjennom mange år, Gudbrand O. Waagaard, fekk prisen i 2007.
I 2018 hadde historielaget 57 medlemmer. Talet har gått nedover dei siste åra.
Leiarar
- Gudbjørg Fønhus Stensrud
- Elling Fekjær
- Gunvor Thorsrud Berg
- Gudbrand Waagaard
- Terje Mikael Hasle Joranger
- Kjell Ellefsen
- Thomas Langødegård
- Arild Haglund
- Herman Leite
- Bjørn Gjerdalen
- Eldor Bråthen
- Trond Bråten
- Amund Grønhaug
Aktivitetar
Arbeidet med Sagn og Soge i Søndre Ourdahl har vore hovudaktiviteten. Laget har også arrangert turar og medlemsmøter.
Kjelder og litteratur
- Opplysningar frå historielaget, 2019 (Landslaget for lokalhistorie si lagsundersøking).