Sollia (veg i Bø i Telemark)

Sollia hytteveg sett sørover frå Lifjellvegen.

Foto: Roy Olsen (2018).

Sollia er eit område og ein hytteveg på Lifjell i Bø i Midt-Telemark kommune. Vegen er 395 meter lang og går i ei boge til og frå Lifjellvegen på vestsida av denne. Han er stengd med bom i øvre enden. Nedre del er stengd og avvikla som bilveg.

Vegen har namn etter lokaliteten og blei namnsett i 2013.

Vegen blei anlagt i 1960-åra som avlastningsveg for hovudvegen. Han blei i byrjinga kalla «Rundkjøyringa». Hytteeigarane fann på namnet «Sollia» på området, og det er det som ligg til grunn for vegnamnet.

Kjelder

• Kartverket: Norgeskart
• Aslaug Farnes: Notat til sak om nye vegnamn på Lifjell. Teknisk eining, Bø kommune, Arkivnr. K2-L32, 19. juni 2013.