Vis kilden til Solli (Kvinesdal gnr. 185)

{{Infoboks gard
| målform       = nn
| bgfarge       = 
| navn          = Solli
| bilde         = 
| bildetekst    = 
| altnavn       = 
| førstnevnt    = 
| ryddet        = 
| utskilt       =
| sted          = 
| sokn          = [[Fjotland sokn|Fjotland]]
| kommune       = [[Kvinesdal kommune|Kvinesdal]]
| fylke         = [[Agder fylke|Agder]]
| gnr           = 185
| bnr           = 
| folketellinger=
| areal         = 
| bruk          = 7 (2018)
| type          = Matrikkelgard
| gateadr       = 
| postnr        = 
}}
'''[[Solli (Kvinesdal gnr. 185)|Solli]]''' er ein [[matrikkelgard]] i [[Fjotland sokn]] i [[Kvinesdal kommune]]. Garden har i dag gardsnummer 185. Han hadde tidlegare gnr. 16 i [[Fjotland kommune]], i 1838 matrikkelnummer 187 og gamalt matrikkelnummer 374.

== Geografi ==
Der Solliåna renn ut i ein kil i [[Kvina]] ligg husa og innmarka på Solli. Gardsvaldet strekker seg på austsida av Kvina. Solli byter med [[Moland (Kvinesdal gnr. 186)|Moland]] i vest frå Smisnesbukta over Molandsfjella, [[Håland (Kvinesdal gnr. 192)|Håland]] i nord og Eikeland i aust og sør. 

Det er mest utmark på Solli, og det har stort sett berre vore utkomme for ein familie og eitt bruk på garden. I ein liten periode på 1800-talet var det to bruk her, ''Dør nord'' og ''Dør heima'', men garden har utanom det alltid vore einbølt.

== Gardsnamnet ==
Namnet tydar ei li som er særmerkt med mykje sol. Det er samansett av to stavingar; ''sol''- og -''li''. Vidare er namnet i ubestemt form. Det kan tyda på eit eldre opphav. Gardar i bestemt form, som ''Sollia'' eller ''Sollien'', er av nyare dato. Garden blir nemnd som ein øydegard under Eikeland i matrikkelen i 1617 og ein kan då rekna med rimeleg sikkerheit at garden blei rydda seinast rundt 1300. Han blei truleg lagt aude i samband med Svartedauden og nedgangstida i seinmellomalderen, i likskap med dei andre rand- og heiegardane i bygda. 

Solli har blitt skrive på mange ulike måtar gjennom historia 1617: Solj, 1639 og 1723: Soelem, 1668: Soelemb, 1801: Solej, 1838: Sørlid.

== Gardsbeskrivingar og livsgrunnlag ==
Skal ein tru skildringane som blei gitt av garden på ulike tidspunkt, så har dei hatt det dei trong på Solli, men heller ikkje meir. «Fornøden skoug og Qvernebrug» blei det til dømes meldt om i forbindelse med jordavgiftsmatrikkelen av 1802. Då gav jorda fem gonger tilbake for jordepla og seks gonger for kornet. 

I 1723 blei garden og jorda skildra som «tungvunnen, skarp og skiemmen», men dei hadde ei flaumkvern, skog til naudsynt brensle og materiale. Skog til brensel blei også nemnd i 1668.

== Jordbruk og husdyrhald ==
{| class="wikitable"
|
|1668 
|1723 
|1865 
|-
|Korn 
|5/4 t 
|3 1/2 t 
|4 10/24 t 
|-
|Jordeple 
|<nowiki>- </nowiki>
|  
|9 t 
|-
|Hestar 
|
|1 
|2 
|-
|Storfe 
|4 
|5 
|12 
|-
|Småfe 
|6 
|10 
|55 
|}


Dei hadde hest til å hjelpa seg i 1723, 1801 og i 1865. Det er også nemnt hestereiskap i eit skifte frå 1695. Auken i utsåinga av korn var ikkje stor i perioden frå 1723 til 1865, medan jordepledyrkinga skaut fart frå at det blei sett ¾ tønner i 1801 til 9 tønner i 1865. Av kornet som blei dyrka i 1865 var 3 tønner havre og noko bygg og rug, i tillegg til blandkorn. 

Både talet på folk og talet på husdyr, i tillegg til at det ei tid var to bruk her, viser at det var størst aktivitet på garden på midten av 1800-talet, før den store migrasjonsbølga til USA og industrialiseringa i byane tok til. Etter det blei det ei rask nedgang i folketalet på garden, noko som kan tyda på at dette også var ein periode då ressursane var pressa. Då hovudvegen på andre sida av dalen kom på slutten av 1920-talet, blei det tyngre å livnæra seg på Solli.

== Kulturminne ==
Eit av dei mest synlege og tidlegare mest brukte kulturminna i Fjotland går rett over tunet på Solli; Den gamle kyrkjevegen. Den var i bruk fram til 1908 og var offentleg rideveg frå Knaben til Fjotland. I 1908 kom det ny køyreveg på vestsida av Kvina. 

I 1958 skulle Åmotsbrua frå 1907 skiftast ut med ei nyare og større bru, og den gamle brua blei sett opp ved Solli i 1960. Sollibrua er ei jernfagbru av stål og dekke av tre.  

Elles er det hos Riksantikvaren registrert tre stølar; Indre, Midtre og Heimre Sollistølen.

== Folketal ==
Kor mange bebuarar  
{| class="wikitable"
|1665* 
|1801 
|1865 
|1900 
|1920 
|-
|1M 
|7 
|16 
|8 
|5 
|}
<nowiki>*</nowiki>Berre vaksne menn

== Matriklar og folketal ==
{| class="wikitable"
|
|1639 
|1661 
|1723 
|1803 
|1838 
|1886 
|1950 
|2019 
|-
|Nr 
|<nowiki>- </nowiki>
|<nowiki>- </nowiki>
|129 
|374 
|187 
|16 
|16 
| 185 
|-
|Skyld 
|1/2 h 
|1/2 h 
|1/2 h 
|6 eng 
|6 eng 
|  
| 1 mark 67 øre 
|<nowiki>- </nowiki>
|-
|Tal på bruk 
|  
|1 
|1 
|1 
|1 
|2 
|4 
| 7 
|}
<nowiki>*</nowiki>tal på oppsitjarar 

Solli hadde ei stabil matrikkelskyld heilt i frå første gong den kom med i matrikkelen. Garden var òg i skatteklassa for øydegardar på 1600-talet.

== Eigedomsforhold ==
Solli har vore i bondeeige heilt sidan garden blei nemnd første gong i 1617. Då var garden ein øydegard under Eikeland. Det tyder at garden truleg har vore ein sjølvstendig gard, men har blitt lagd under Eikeland i eller ei tid etter seinmellomalderen. Derfor har garden også truleg kome frå Eikeland første gong den blei rydda.

== Delingar og utskiftingar ==
Per Tostensson overdrog i 1813 garden til sonen Tosten Persson for 50 [[Leksikon:Riksdaler|rdl]]. og ei [[Leksikon:Føderåd|føderådskontrakt]] som sikra at Tostens foreldre kunne bo på garden resten av si tid. I 1845 selde Tosten Persson 3 [[Leksikon:Engelsk|eng]]. av bruket vidare til Olav Tostensson for 80 [[Leksikon:Speciedaler|spd]]., dei resterande 3 eng. blei stilte som sikring og betaling for føderådskontrakten som Olav måtte inngå med foreldra sine Tosten Persson og Asgjerd Olsdotter, og søstera Gunhild Tostensdotter.<ref>SAK, Flekkefjord sorenskriveri, G/Ga/L0004: Panteregister nr. 4, 1810-1950, s. 252</ref>

To år seinare blei det ei deling av garden i to bruk. 2 eng. fell til Svend Sigbjørnssons nye bruk med løpenummer 682b, medan Olav Tostensson beheldt 4 eng. i den gamle garden (682a). Med matrikuleringa i 1886 fekk bruka tildelt bruksnummer 2 og 1.<ref>SAK, Flekkefjord sorenskriveri, G/Ga/L0004: Panteregister nr. 4, 1810-1950, s. 252</ref> Svend Sigbjørnsson var bror til Oles kone Ingerid.<ref>Jerstad, Johan & Veggeland, Tor: ''Gards- og ættesoge : Fjotland'', Hegland trykkeri, Flekkefjord, 1979, [https://www.nb.no/items/265452d975eaac055b36693302d97362?page=0 Digital versjon] på [[Nettbiblioteket]], side 542</ref>

Etter at begge foreldra var døde selte Olav Tostensson i 1883 sitt bruk til Sigbørn Torjesson Røynebu. Søster til Olav, Gunhild, som var døvstum, fekk bu på garden til ho døydde ein gong før 1916. Olav Tostensson kjøpte opp att Svend Sigbjørnssons gardpart (bruk 2) kort tid etter, men selde han vidare til Sigbjørn Torjusson Røynebu i 1889. Sidan har begge bruka hatt same eigar.<ref>SAK, Flekkefjord sorenskriveri, G/Ga/L0004: Panteregister nr. 4, 1810-1950, s. 252 </ref>

Torjus Sigbjørnsson Solli overtok garden i 1924 etter eit opphald i Amerika.<ref>Jerstad, Johan & Veggeland, Tor: ''Gards- og ættesoge : Fjotland'', Hegland trykkeri, Flekkefjord, 1979, [https://www.nb.no/items/265452d975eaac055b36693302d97362?page=0 Digital versjon] på [[Nettbiblioteket]], side 545</ref> Torjus døydde i 1930 utan registrerte arvingar.<ref>SAK, Fjotland lensmannskontor, F/Fe/L0002: Dødsfallsprotokoll nr 73, 1911-1950, s. upaginert</ref> I 1941 overtok Tordis Solli (f. 1931) heimel for garden. 

==Bruk og eigedomar==

{| class="wikitable"
! Bnr.!! Bruksnamn !! Type eigedom !! Utskild frå !! Matrikulert !! Løpenr. (før 1886) !! Skyld 1950 !! Eigar 1886 !! Eigar 1950 !! Notat
|-
| 1 || Solli || Gardseigedom ||  ||  || 682a || 1 mark 10 øre  || Sigbjørn Torjesen || Tordis Litland || Felles eigedomsteig med bruk 2
|-
| 2 || Solli || Gardseigedom || bruk 1 || 1848 || 682b || 0 mark 54 øre  || Ole Torstensen || Tordis Litland || Felles eigedomsteig med bruk 1
|}

[[kategori:Garder]]
[[Kategori:Kvinesdal kommune]]
[[Kategori:Fjotland]]

== Folket ==

=== ''Dør heima'' ===
Bruk 1 

Namnet ''Dør heima'' kom først i bruk i 1848 då garden blei delt i to. Den var delt i to bruk fram til 1889. 

* '''Ingeborg Ormsdotter (d. 1669)''' 
* '''g1. med Jakob (n. 1644-1651)''' 
** Lars (n. 1658-1669) Til Skaret i Gyland<ref>Gyland 2008, s. 544</ref>  
** Torgrim (1620-d. f. 1669) ein son; Eivind Torgrimsson (n. 1669) Var tenestegut hjå søstera på [[Førlandsåsen (Kvinesdal gnr. 193)|Førlandsås]] 
** Helga (n. 1669) g. m. Orm Torgrimsson Seland (1604 – n. 1681) Først i Skaret i Gyland. Sjå [[Førlandsåsen (Kvinesdal gnr. 193)|Førlandsås]] 
** Gro (n. 1669) 
** Liva (n. 1669) 
** Kari (d. f. 1669) g. m. Salve Eivindsson (n. 1669) to born i 1669; Jakob og Ingeborg. 
* '''g2. med Ommund Olsson (n. 1659-1669)''' 

I ei segn fortald av Sigbjørn Solli – og attgjeven i førre gards- og ættesoge for Fjotland – hadde ein mann på Eigeland to døtrer. Den eine fekk Eigeland og den andre fekk Solli.<ref>Jerstad, Johan & Veggeland, Tor: ''Gards- og ættesoge : Fjotland'', Hegland trykkeri, Flekkefjord, 1979, [https://www.nb.no/items/265452d975eaac055b36693302d97362?page=0 Digital versjon] på [[Nettbiblioteket]], side 541</ref> Ingeborg er truleg dotter av Orm Eigeland og segna kan dermed ha ei kjerne av sannheit. Jakob var truleg frå Gyland, der han eigde 3 engelsk i garden Skaret.  

Ommund kan ha kome frå [[Førlandsåsen (Kvinesdal gnr. 193)|Førlandsås]], namnet hans tyder på det, og i tillegg er det fleire familieband til Førlandsås. 

I skiftet etter Ingeborg i 1669 er det nemnt to born, Gro og Liva, som ein ikkje veit kva skjedde med vidare (sjå over).

-

* '''Torgrim Ormsson Førlandsås (1648-1716)''' 
* '''g1. med Siri Atlaksdotter Håland (-1695)''' 
** '''Orm (1678-1755) Sjå nedanfor''' 
** Atlak (n. 1695) 
** Asgerd (n. 1695) g. m. Olav Ommundsson Førlandsås (1661-) Sjå [[Førlandsåsen (Kvinesdal gnr. 193)|Førlandsås]] 
** Ingeborg (n. 1695-n. 1712) g1. f. 1695 m. Tosten Olsson Lindhommen (1668-1708) g2. 1712 m. Salve Kolbensson Knaben (1686-) Sjå [[Lindhommen (Kvinesdal gnr. 183)|Lindhommen]] 
** Helga (n. 1695-1723) g1. m. Per Guttormsson Eftestøl (n. 1695-d. 1712) g2. 1719 m. Lars Tollaksson Nedland i Gyland (1690-1756) Til Gyland  
* '''g2. med Torborg Larsdotter Lindeland'''  
** Lars (1700-1750) g. 1718 m. Asgerd Toresdotter Håland. Sjå [[Moland (Kvinesdal gnr. 186)|Moland]] 
** Mari g. 1725 m. Atlak Toresson Håland (-1758) Sjå [[Håland (Kvinesdal gnr. 192)|Håland]] 
** Torgrim (-1758) g. 1726 m. Siri Toresdotter Håland (-1758) Til Gyland 

I skiftet etter Siri i 1695 var det mange dyr og fleire verdifulle gjenstandar. Familien hadde også eigedom i Moland, [[Lindefjell (Kvinesdal gnr. 184)|Lindefjell]] og Skaret i Gyland i tillegg til Solli.<ref>Les meir om skiftet i: Seland, Per: ''Kvenåsen krets i Fjotland''. Utg. [Forfatteren]. Oslo. 1980. {{nb.no|NBN:no-nb_digibok_2018042448001}}, s. 313</ref> Orm fekk Solli, Lars fekk Moland og Torgrim overtok i Gyland. Atlak døydde ugift, medan jentene gifta seg til andre gardar.

-

* '''Orm Torgrimsson (1678-d. f. 1755)''' 
* '''Anna Guttormsdotter Eftestøl (1689-1769)''' 
** '''Tosten (ca. 1710-1785)*'''
** Guri g. 1727 m. Mass Torjesson Lindefjell (1698-1763) Sjå [[Lindefjell (Kvinesdal gnr. 184)|Lindefjell]] 
** Torgrim (1713-) g. 1744 m. Gunhild Larsdotter Nedland  (-1777) Sjå Raustad på Feda 
** Torborg (1717-1763) g1. 1733 m. Sven Nilsson Mydland i Gyland (-1737), g2. m. Tollak Torkelsson Seland (1707-1783) Til Gyland  
** Anna d. e. (1719-1808) g. 1738 m. Atlak Tolleisson Håland (1716-1786) Sjå [[Håland (Kvinesdal gnr. 192)|Håland]] 
** Guttorm (1722-) 
** Anna (1725-) g. 1753 m. Kidel Tostensson Risnes (1719-) Sjå [[Risnes (Kvinesdal gnr. 190)|Risnes]] 
** Siri (-1772) g. 1744 m. Lars Johannesson d. y. Røynebu (1722-1791) Sjå [[Røynebu (Kvinesdal gnr. 201)|Røynebu]] 

<nowiki>*</nowiki>I kyrkjeboka står det at Tosten var 85 år då han døydde i 1785. Truleg var han nokre år yngre og fødd omkring 1710. Mora var fødd 1689.

Dei fire første borna er fødde på [[Moland (Kvinesdal gnr. 186)|Moland]] og de budde der til omkring 1718, då dei kom til [[Seland (Kvinesdal gnr. 182)|Seland]]. I 1722 var familien komen til Solli.

-

* '''Tosten Ormsson (ca. 1710-1785)''' 
* '''g1. 1747 med Ingeborg Persdotter Lindeland (1724-1780)''' 
** Anna (1748-)
** Anna d. e. (1750-1834) g1. 1771* m. Guttorm Ommundsson Harbakk (1742-1785) g2. 1793 m. Ivar Ivarsson Harbakk (1753-1822) Sjå [[Harbakk øvre (Kvinesdal gnr. 198)|Øvre Harbakk]] 
** Gunhild (1752-) 
** Orm (Vorm) (1754-) 
** Anna d. y. (1756-1839) g. 1780 m. Osu Osusson Lindefjell (1756-1834) Sjå [[Lindefjell (Kvinesdal gnr. 184)|Lindefjell]] 
** '''Per (1760-1826) Sjå nedanfor''' 

<nowiki>*</nowiki> I kyrkjeboka finner ein berre trulovinga, men dei har truleg vore gift.

Sonen Per tok over garden. 

-

* '''Per Tostensson (1760-1826)  '''
* '''g1. 1781 med Asgerd Pålsdotter Nedre Kvinlog (1753-1786)''' 
** '''Tosten (1782-1857) Sjå nedanfor''' 
** Pål (1784-n. 1801) 
* '''g2. 1788 med Torborg Torgrimsdotter Eikeland (1763-1809)''' 
** Torgrim (1788-1789) 
** Torgrim (1790-1806) 
** Asgerd (1793-1842) g. 1815 m. Osu Osusson Lindefjell (1794-1871) Sjå [[Lindefjell (Kvinesdal gnr. 184)|Lindefjell]] 
** Torborg (1795-) 
** Orm (1799-1849) g. 1828 m. Ragnhild Torgrimsdotter Eikeland (1801-1845) Sjå [[Røynebu (Kvinesdal gnr. 201)|Røynebu]] 
** Per (1802-1861) g. 1834 m. Gunhild Olsdotter Eikeland (1807-1880) Sjå Eikeland 
** Jo (1805-1805) 
** Torgrim (1807-1867) g. 1835 m. Anna Salvesdotter Bakke (1799-1874) Til Hidra 
* '''g3. 1812 med Ingrid Jakobsdotter Førlandsås (1785-1857)''' 
** Torborg (1812-1852) g1. 1831 m. Jo Olsson Eikeland (1797-1835) g2. 1837 m. Per Sigmundsson Engedal  (1808-1881) 
** Jakob (1814-1878) Var steinarbeidar og målar. Døydde «af drukkenskab». Blei funnen død ved garden Lilletvedt i Birkeland i Fana ved Bergen. 
** Ingeborg (1817-1817) 
** Ingeborg (1819-1881) g. 1841 m. Olav Toresson Risøy (1810-1881) Sjå [[Risøya (Kvinesdal gnr. 174)|Risøy]]<nowiki/>a
** Anna (1822-1822) 
** Anna (1823-1823) 
** Pål (1825-1826) 

Per overdrog garden til sonen Tosten i 1813. Året innan hadde han sjølv gifta seg for tredje gong. Per fekk til saman 17 born og 10 vaks opp. Enka hans, Ingrid, gifta seg opp att med Ånen Osusson Fjotland i 1832 og flytta dit, men kom tilbake til Solli då ho blei enke att i 1847. Dei hadde ingen tenestefolk buande hos seg under folketeljinga i 1801, men dei hadde etter kvart to store familiar til å hjelpa seg her i perioden etter at Tosten og kona Asgerd flytta til garden i 1813. 

-

* '''Tosten Persson (1782-1857)'''
* '''g. 1805 med Asgerd Olsdotter Ryggesås (1788-1869)''' 
** Per (1813-1815)
** Asgerd (1815-) g. 1839 m. Sven Sigbjørnsson Øksendal (1810-1889) Sjå ''Dør nord''*
** Per (1818-1828) 
** Siri (1821-1828)  
** '''Olav (1825-1911) Sjå nedanfor''' 
** Siri (1829-) g. 1852 m. Jo Salvesson Lindefjell (1819-1900) Sjå [[Knaben (Kvinesdal gnr. 191)|Knaben]]
** Gunhild (1834-1916) Budde på Solli heile livet ugift. Skal ha vore døvstum.

<nowiki>*</nowiki>I Fjotland 1 er det nemnd ei Asgerd som er fødd i 1823, men det er truleg ei dobbelføring.

Tosten delte garden i to bruk i 1845. Brorparten – brørne skulle ha det doble av søstrene sine–gjekk til Olav som fekk hovudbølet på 4 [[Leksikon:Engelsk|engelsk]], medan Asgerd fekk ''Dør nord'' på 2 engelsk. Olav fekk garden mot [[Leksikon:Føderåd|folgekontrakt]] for Tosten, Asgerd og søstera Gunhild. 

-

* '''Olav Tostensson (1825-1911)'''
* '''g. 1845 med Ingrid Torgrimsdotter Eikeland (1819-1884)''' 
** '''Tosten (1846-) Sjå nedanfor''' 
** Torgrim (1849-1916) g. 1870 m. Tea Jakobsdotter Hamar Austre i Gyland (1847-1914) Til Gyland 
** Lise Tobine (1853-1932) g. 1887 m. Steinar Torussen Eikeland (1845-1929) Sjå Eikeland 
** Anne Bertine (1856-1946) g. 1896 m. Johan Gabriel Jakobsen Kjøyda (1840-1917) Til Hidra 
** Per Andreas (1860-) g. 1886 m. Inger Sofie Torusdotter Eikeland (1859-) Til USA 
** Ida Regine (1864-1912) g1. 1886 m. Per Kristian Eiriksson Nordre Klungland i Gyland (1855-1891) g2. 1896 m. Johan Kristian Jonasson Kjøde (1835-) Syerske. Til Hidra<ref>Hidra 2, s. 209 </ref>

Sonen '''Tosten Olsson (1846-) g. 1875 m. Hanne Sofia Josdotter Åmland (1856-)''' overtok i 1875, men selde garden vidare i 1882. Les meir om familien under [[Engedal (Kvinesdal gnr. 177)|Engedal]]. Olav og Ingrid kjøpte bruket til Olavs søster Asgerd ''Dør nord''. Dei budde der ut tida si. 

-

* '''Sigbjørn Torjeson Røynebu (1856-1949)'''
* '''g. 1883 med Anne Sofie Salvesdotter Lindefjell (1855-1936)''' 
** '''Torje (1884-1930) Sjå nedanfor''' 
** Salve Elias (1887-) g. m. Astrid Kamilla Albertsdotter frå Tysnes, Søgne (1890-)<ref>Søgne 2, s. 96</ref> Sjå Fjotland 
** Olav Andreas (1889-) Til USA 
** Syvert (1892-) Til Stavanger 
** Ellen Sofia (1896-1980) g. 1930 m. Ole Martinsen Harbakk (1891-1957) Sjå [[Harbakk øvre (Kvinesdal gnr. 198)|Øvre Harbakk]]

-

* '''Torje Sigbjørnsson (1884-1930)''' hadde born med 
* '''Anna Serine Haddeland (1910-1982)''' 
** '''Tordis (1931-2012) Sjå nedanfor'''

-

* '''Tordis Solli (1931-2012) g. 1953''' 
* '''Georg Litland (1930-2014)''' 

Dei hadde garden nokre år før dei flytta til Lyngdal. 

-

=== ''Dør nord'' ===
Bruk 2 

Bruket blei matrikulert i 1848 og det budde folk her fram til 1916.  

* '''Asgerd Tostensdotter (1815-)'''
* '''g. 1839 med Sven Sigbjørnsson Øksendal (1810-1889)''' 
** Sigbjørn (1840-1851) 
** Inger Sofie (1843-1922) g. 1870 m. Nils Andreas Olsson Jødestøl i Sirdal (1843-1924) Til Sirdal 
** Asgerd (1846-) g. 1872 m. Sigbjørn Anstensson Øksendal (1850-) Til USA 
** Tobine (1849-) g. 1875 m. Lars Tobias Larsson Virak (1855-) Til USA 
** Sigbjørn (1853-1853) 
** Serina (1855-) 
** Sigbjørn (1858-1860)

Dei kom til Solli omkring 1846 etter å ha budd nokre år på heimegarden til Sven i Sirdal. Etter dei tre døtrene flytta heimefrå – den siste i 1875 – selde dei til Olav Tostensson på ''Dør heima''. Dei leigde nokre år i [[Knaben (Kvinesdal gnr. 191)|Knaben]], der Sven døydde i 1889. Siste livsteikn frå Asgerd var i 1891, då ho budde som innerst på Josdal i Sirdal. Der livnærte ho seg med strikking og spinning. 

Olav Tostensson selde bruket til Sigbjørn Torjesson i 1889. Olavs søster Gunhild fekk bu i huset fram til 1916. 

-

==== Ikkje plasserte ====

* Anne Øyusdotter (1799-) budde på garden som legdslem i 1865. 

-


{{nn}}{{Kvinesdal bygdebok nn}}

== Litteratur og kjelder ==