Vis kilden til Lærdalsøyri

<onlyinclude>{{thumb|Lærdalsøyri eldre bebyggelse 2013 2.jpg|Nokre av dei gamle bygningane i Lærdalsøyri.|Elin Olsen (2013)}}
'''[[Lærdalsøyri]]''' er ein [[tettstad]] og administrasjonssenter i [[Lærdal kommune]] i [[Sogn]]. Staden ligg ved botnen av [[Lærdalsfjorden]], der [[Lærdalselvi]] renn ut i fjorden. Han var opphavleg ein marknadsplass for handel mellom fjellbygdene på [[Austlandet]] og sjøbygdene på [[Vestlandet]]. Det er omkring 1150 innbyggjarar i tettstaden (2012). 

Eit bygningsmiljø frå 1700- og 1800-talet er bevart i tettstaden. Heile 161 bygningar ligg i verneområdet [[Gamle Lærdalsøyri]], og to av dei er freda.</onlyinclude>

{{thumb|Lærdalsøra - no-nb digifoto 20150326 00008 NB MIT FNR 02853 A.jpg|Motiv frå Lærdalsøyri.|Ukjend/[[Nasjonalbiblioteket]]}}
Det var i 1830- og 1840-åra planer om å gje Lærdalsøyri status som [[ladestad]], og i 1842 vedtok Regjeringa å gje slik status til Lærdalsøyri, [[Haugesund]] og [[Namsos]]. Dette vart avvist i [[Odelstinget]], så ingen av dei tre stadene vart ladestader. Dei to sistnemnde stadene fekk status som ladestader noko seinare, men Lærdalsøyri fekk det aldri. Det finst ei skildring av Lærdalsøyri sett utenfrå nett frå denne tida. Briten [[William Henry Breton]] var innom staden på sin reise i Sør-Noreg i 1834, og seier at Lærdalsøyri er «en samling usle hytter, men kan kalles en landsby. Den ligger innerst i en gren av Sognefjorden og er et skittent sted med en luft som på en varm dag er enda vemmeligere enn i en afrikansk landsby»<ref>Breton 1835, s. 85.</ref>. Men om sjølve bygda ikkje fall i smak, var han imponert over naturen rundt Lærdalsøyri. Han klatra opp på et fjell i nærleiken, og seier at «utsynet var unektelig storartet.»<ref>Breton 1835, s. 85.</ref>.

Turisme og handel er dei viktigaste næringsvegane i Lærdalsøyri. Ein finn også nokre mindre industriforetak. Lærdal er ein av kommunane som ligg innafor [[verdensarven|verdsarvområdet]] «[[Vestnorsk fjordlandskap]]», og Lærdalsøyri er ein av dei viktigaste turiststadene i kommunen. Noko anna som trekk turistar er lakse- og sjøørrefisket i Lærdalselvi, som har vore populært sidan engelske turistar byrja å fiske der i 1850-åra. [[Norsk villakssenter]] held til i Lærdalsøyri.

Tidlegare var ferjetrafikken frå Lærdalsøyri til [[Kaupanger (tettstad)|Kaupanger]], [[Frønningen]] og [[Gudvangen]] viktig for kommunikasjonen i området, men etter at [[Lærdalstunnelen]] opna i 2000 er det ikkje lenger så mykje trafikk på desse strekningane. 

Natt til søndag 20. januar 2014 vart tettstaden ramma av ein [[storbrannen i Lærdalsøyri januar 2014|katastrofal brann]], der 42 hus vart totalskadd. Av desse var 17 bolighus. Ein av bygningane var det freda bakeriet [[Synneva Eris hus]] frå 1840-åra. Det var også mange hus som fekk brann-, røyk- og vannskader. Ein må attende til [[storbrannen i Hemnesberget 1923|storbrannen i Hemnesberget]] i 1923 for å finne ein brann i Noreg der fleire hus gjekk tapt.

==Galleri==

<gallery>
Fil:Lærdalsøyri eldre bebyggelse 2013 3.jpg|Motiv frå Gamle Lærdalsøyri. {{byline|Elin Olsen (2013)}}
Fil:Lærdalsøyri eldre bebyggelse 2013.jpg|Motiv frå Gamle Lærdalsøyri. {{byline|Elin Olsen (2013)}}
Fil:Lærdalsøyri 1993.JPG|Motiv frå Gamle Lærdalsøyri. {{byline|[[Bruker:Stigrp|Stig Rune Pedersen]] (1993)}}
Fil:Gamle Lærdalsøyri august 2018.jpeg|Motiv frå Gamle Lærdalsøyri. {{byline|Lars Egil Sørsdal (2018)}}
Fil:Lindstrøm Hotel Lærdalsøyri 2018.jpg|Lindstrøm Hotel,  Gamle Lærdalsøyri.{{byline|Lars Egil Sørsdal (2018)}}
Fil:Norsk villakssenter Lærdal 1999.JPG|[[Norsk villakssenter]] i Lærdalsøyri, ved [[Lærdalselvi]]. {{byline|[[Bruker:Stigrp|Stig Rune Pedersen]] (1999)}}
</gallery>

==Referanser==

<references/>

==Kjelder==

*[http://www.aftenposten.no/nyheter/iriks/Over-40-personer-har-blitt-hjemlose-i-Lardal-7439886.html#.Utz_g3zKzIU Aftenposten.no: «Over 40 personer har blitt hjemløse i Lærdal» (publisert 20. januar 2014).]
*[http://www.vg.no/nyheter/innenriks/artikkel.php?artid=10120625 35 hus totalskadet etter brannen i Lærdal] i ''VG'' (publisert 21. januar 2014)
* {{WP-lenke|Lærdalsøyri|nb}}
* [http://snl.no/L%C3%A6rdals%C3%B8yri Lærdalsøyri] i ''Store norske leksikon''
* {{Kartverket|138915}}
* {{SSB Tettsteder 1 2012}}
* [http://www.nrk.no/sf/leksikon/index.php/L%C3%A6rdals%C3%B8yri_som_verneomr%C3%A5de Lærdalsøyri som verneområde] i ''Sogn og Fjordane fylkesleksikon'' (NRK)
* {{Breton 1835}}

[[kategori:Tettsteder]]
[[Kategori:Lærdal kommune]]
{{F1}}
{{artikkelkoord|61.10004|N|7.47361|Ø}}
{{nn}}