Sigrid Skarpmoen
Sigrid Gulbrandsdotter Skarpmoen (20. mars 1834 – 17. april 1935).[1]
Sigrid Skarpmoen var dotter av Gulbrand Høyset. Ho gifta seg i 1860 med Knut Arnesson Skarpmoen (1836-1922) frå Nedre Skarpmoen i Rollag. I 1865 kjøpte Arne Nedre Skarpmoen av foreldra, og han og Sigrid dreiv garden fram til dei overdrog garden til einaste sonen, Arne (1861-1930) og levde som føderådsfolk på Nedre Skarpmoen etter det.[2] Det er eit tipptippoldebarn av Sigrid som eig og driv garden i dag (2019).
Som gardkone hadde Sigrid ansvaret for husstell og fjøsstell på garden. I folke- og husdyrteljinga i 1865 vart det registrert sju storfe, ti sauer, seks geiter og ein gris på garden. Det var også ein hest på garden. Vêrfaren hennar var føderådsmann på garden. I tillegg til familien budde det ein tenestegut og ei tenestejente på garden.[3] 1865 budde det framleis folk med husmannskontrakt på livstid i husmannsplassen Rykkinn, men 10 år seinare stod plassen tom. Den tidlegare husmannsplassen Kleiv var skild frå som eige bruk og låg ikkje lenger under Nedre Skarpmoen.[4]
Sigrid døydde i 1935, 101 år gammal. Ho vart gravlagd på kyrkjegarden i Rollag.[5]
Referansar
- ↑ https://www.disnorge.no/gravminner/vis.php?id=06&mode=ko
- ↑ Hoff, Knut (u.å.): Rollag Bygdebok. Ætt og gad og grend. Bd. 3, s. 21.
- ↑ https://www.rhd.uit.no/folketellinger/ftliste.aspx?ft=1865&knr=0632&kenr=002&bnr=0046&lnr=000
- ↑ Hoff, Knut (u.å.): Rollag Bygdebok. Ætt og gad og grend. Bd. 3, s. 22.
- ↑ https://www.disnorge.no/gravminner/vis.php?id=06&mode=ko