Paul Bergh

Paul Bergh (fødd 1847 i Hof i Vestfold, død 1890) var skulemann.

Bergh studerte realfag, men fekk ein helseknekk, så han laut gje opp tanken på embetseksamen. Han tok lærararbeid på mellomskular, fyrst i Sarpsborg, så i Grimstad.

I 1881 sette han i gang eit realgymnas ("studentfabrikk") i Kristiania. Seinare vart han styrar på ein mellomskule i Førde, og i 1886–88 dreiv han ein folkehøgskule på Halsnøy, sette så i gang ein "studentfabrikk" på Voss, i lag med Johannes Lavik.

Bergh var ein særmerkt lærar, med stor givnad i å gjera opplæringa fengjande. Han var kjent som eit matematisk talent.

I 1860-70-åra gav han ut skrønesamlingar og gateviser, under psudonym. Han skreiv òg dikt og småstykke for amatørteater. På landsmål gav ut han boka Lausøyre. Fire skissor (1888).

Kjelder og litteratur

• Eskeland, Severin: artikkel i Norsk allkunnebok band III, sp. 958–959. Oslo 1952.

Denne siden er en spire. Du kan hjelpe den til å vokse seg stor og sterk! Denne sida er ei spire. Du kan hjelpe henne til å vekse seg stor og sterk!