Bernhard Aadnekvam
Bernhard Aadnekvam (fødd 17. april 1898 i Masfjorden, død 20. september 1986) var lærar og kyrkjesongar i Rissa. I 1964 fekk han Kongens fortenestmedalje.
Han var son av bonde Ola J. Aadnekvam og Kari f. Duesund. Bernhard Aadnekvam tok eksamen ved Volda lærarskule i 1923.
Som nyutdanna arbeidde han i åra 1923-27 som lærar ved framhaldsskulen i Rissa. I 1927 vart han konstituert i lærarstilling ved Sunde skole, Sonniskolen, og fekk fast tilsetting i 1928. Aadnekvams elev, Sigmund Larsen, har fortalt at «Den første jeg husker som hadde 'kjøretøy' var læreren. Han kom på sykkel om morgenen og syklet hjem til Føllsand, ved kirka, i matpausen.» Aadnekvam var òg kyrkjesongar i Rissa kyrkje, og i 1930 starta han barnekor i bygda. Aadnekvam avslutta yrkeskarrieren som skuleinspektør ved Åsly skole.
Aadnekvam gifte seg 1. juli 1933 med Olga Nordset (1903-90). Dei er gravlagde på kyrkjegarden i Rissa.
Kjelder og litteratur
- Bernhard Olsen i folketelling 1910 for Masfjorden herred fra Digitalarkivet
- DIS-Norge: Gravminner i Norge (id. 2444644).
- Espeland, Arne: Norske skolefolk (første utgave), Dreyer forlag, Stavanger 1934. Digital versjon på Nettbiblioteket
- Fosna-Folket.no: «Sunde skole 1945» (publisert 4. august 2006).
- Kongehuset.no: Tildelinger (1964).
- KORissa: Gjestebok (opplysningar om koret som Aadnekvam starta).