Gjermund Nilsson Skaar

Gjermund Nilsson Skaar (født 1814 i Vikør, død 1892) var fotograf, politiker, treskjærer, gardbrukar og stortingsrepresentant.

Han var son av gardbrukar Nils Gjermundsen Skaar og Elseber Torgersdotter på Skår ved Fyksesund.

Gjermund Skaar prøvde seg på mangt og mykje gjennom sitt lange liv. Han interesserte seg for politikk, lovgjeving, naturfag, estetikk og religionsfilosofi - var dessutan kunstmålar og treskjerar og prøvde seg også ein tid som organist. 27 år gamal kom han med i heradsstyret, og blei ordførar 1844-57 og tingmann fra 1850. Lensmann i Vikør fra 1856. I 1855 kom ei rekkje sorger og ulykker over han. Han satte seg i gjeld, forsynte seg av offentlige midlar, og blei i 1857 fjerna frå sin stilling. Så måtte han i fengsel i fire år, og det var under dette opphaldet på Akershus landsfengsel at han lærte å fotografere.

Då han kom attende fekk han ein husmannsplass, bygde seg ei hytte og ernærte seg resten av livet som fotograf, treskjerar, dagarbeidar, kyrkjetenar og gravar. Frå ca. 1861 til 1871 var han fotograf i Øystese, og reiste mykje rundt i bygdene og fotograferte. Platearkivet hans ende i Ulvik der det forsvann under tyskarane sin bombing i 1940.

Han var gift med Ragna Jansdotter (f. omkr. 1813 i Vikør). I folketellinga 1865 finn vi paret med to søner på Øystusyn i Vikør.

Kilder

• Første versjon av artikkelen er henta fra Preus museums register over norske fotografer.
• Gjermund Nilsson Skaar på Digitalt museum.
• Gjermund Nilsson Skaar på KulturNav
• Bonge, Susanne: Eldre norske fotografer : fotografer og amatørfotografer i Norge frem til 1920. Utg. Universitetsbiblioteket i Bergen. 1980. Digital versjon på Nettbiblioteket
• Larsen, Peter og Sigrid Lien: Norsk fotohistorie, 2007
• Geirmund Nielsson i folketelling 1865 for Vikør prestegjeld fra Digitalarkivet.
• Gjermund Nilsson Skaar i Historisk befolkningsregister.