Bø mållag
Bø mållag blei skipa 2. mars 1902. Mållaget held til i Bø i Telemark, og er eit lokallag av Telemark mållag.
| Bø Mållag arkiv | |
|---|---|
| Arkivinstitusjon: | Bø Museum |
| Full sti: | Bø-0015 |
| Kategori: | 11,10: Foreiningsarkiv |
| Frå år: | 1910 |
| Fylke: | Vestfold-Telemark |
| Kommune: | Midt-Telemark |
| Stad: | Bø Museum |
| Innhald: | Årsmeldingar, møtebøker, korrespondanse, saker, rekneskap,medlemslister, avisutklypp |
| Digitalt innhald: | Arkivkatalogen |
Laget har arbeid for kulturen og språket i bygda. Det har mellom anna stått bak mange kultur- og bokkveldar, og arbeidd for nynorsk skulemål og nynorsk i offentleg målbruk og forretningsliv.
Til jubileet i 1977 gav laget ut boka "Talemålet i Bø. Eit gramatisk oversyn" av Inger Lise Solberg og Regine Wærstad.
Laget har til føremål å samle målfolk i Bø til aktivt arbeid for det nynorske skriftspråket, å auke kunnskapen og vørdnaden for nynorsken og bødialekta og å styrkje grunnlaget for bygdekulturen og verne om miljøet i bygda.[1]
Arkiv
Arkivet etter Bø mållag er ordna ved Bø Museum. Sjå oppføring i lista over privatarkiv frå Telemark.
Fotnotar
- ↑ http://bo.nynorsk.no/vedtekter.htm (lest 13.12.2017, kl. 10.00)
Kjelder
- Heimesida til Bø mållag, lest 13.12.2017, kl. 10.00.
Sjå også
- Vedtekter for Bø mållag i wikiens Kjeldearkiv.