Byrteosen hotell
Byrteosen hotell låg i Byrteosen i gamle Mo kommune - i dag Tokke kommune. Namnet vert også skrive Børteosen Hotell.
Historikk
Hotellet blei bygd av Karl Edvard Larsson Brudal i 1890-åra.[1] Dette var det fyrste hotellet ein kom til når ein reiste frå Dalen til Haukeli. Det var bygd som vanleg stolpereis i to høgder.[2] Hotellet står omtalt i Yngvar Nielsen si reisehandbok frå 1893.[3] I 1908 nemnast ikkje lengre Byrteosen som hotell.[4]
På slutten av 1800-talet var ikkje vegen langs Byrtevatn ferdig som køyreveg. Transporten gjekk difor mykje med båt over vatnet. Knut Austjorde hadde laga ein stor båt med kjøl og to åregangar til å frakte reisande over vatnet. Båten kunne ta 20 personar.[5]
Kor lenge Byrteosen hotell var i drift er usikkert. Truleg blei hotellet lagt ned på den tida då vegen stod klar, og Byrte Hotell blei bygd. Byrteosen hotell blei i alle fall rive, og i dag står berre murane att. Desse kan ein sjå innanfor Byrtedammen når vatnet er lågt.[6]
Referansar
Kjelder
- Christenson, Ragnvald, Ferdsla over Haukeli og dei gamle hotella frå Dalen til Odda, Eige forlag, Telemark Trykk AS, Notodden, 2019.
- Grimdalen, Olav, Mo bygdebok : kultursoga. B. 2, Dalen, Tokke kommune, 1996. Lenke til digital utgåve hjå Nasjonalbiblioteket.
- Nielsen, Yngvar, Reisehaandbog over Norge, 7., omarb. og betydelig forøg. Udg., Christiania : Cammermeyer, 1893. Lenke til digital utgåve hjå Nasjonalbiblioteket.
- Nielsen, Yngvar, Reisehaandbog over Norge. I: Det søndenfjeldske Norge, 11. udg. Christiania : Cammermeyers forlag, 1908. Lenke til digital utgåve hjå Nasjonalbiblioteket.