Fredtun (gnr 45/13)

Fredtun ligg på sørsida av Rikesvegen der han tek av mot aust frå Nordibøvegen (tidlegare Riksveg 12), sentralt i Vallebygdi i Valle kommune.

Fredtun.

Foto: Siri Johannessen (21. mai 2020).

Fredtun med Dølevodd bak nedst i venstre hjørne, riksveg 12 går nord til kyrkja og vidare.

Foto: Normanns kunstforlag (1958).

Eigendomen ligg omlag midt i Rikesgarden og vart utkløyvd frå Grjotgarden i 1952. Torjus Aslaksson Rike fikk skøyte frå faren Aslak Gunnarsson Rike (1870–1957). Aslak fekk Torjus med den andre kona, Sigrid Knutsdotter Kyrvestad (1882–1932). Torjus dreiv med bygningsarbeid, og huvde med Signe Knutsdotter f Sandnes (f 1915) frå Sandnes i Bygland i 1954. Frå 1956 til 1960 åtte dyrlækjar Olav Dynna og kona Elleonore Helene Fredtun, og dei selde husi til Valle kommune som nytta dei som dyrlækjarbustad:

1960 – 1971: Asbjørn Kvitrud

1972 – 1980: Karsten Tobias Kjølleberg

1981 – 1987: Gunvald Hallvardsson Mosdøl

• Gunvald Hallvardsson Mosdøl, f 1949 frå Kultran i Byklum

g 1974 m Angjerd Jonsdotter Mosdøl, f 1949, frå Moen i Trydal.

Born:

• Hallvard, f 1976
• Torbjørn, f 1980

Kjelder

• Ryningen, Alfred: Gards- og ættesoge Valle (band 4), side 232. Valle kommune, 1987. ISBN 8299133432. Digital versjon på Nettbiblioteket.
• seeiendom.kartverket.no: Fakta om bruket
• Moen på lokalhistoriewiki, rev. per 13. mai 2020 kl. 08:48.