Stortingsvalet i Nordre Bergenhus 1882
Stortingsvalet i Nordre Bergenhus 1882 var det fyrste partivalet sjølv om partia formelt ikkje vart skipa før i 1884. Dei moderate kreftene i Venstre som dominerte også i 1879-valet, vann 1882-valet med klar margin.
Valde representantar
| Verv | Namn/tittel | Kommune | Merknad |
|---|---|---|---|
| 1. representant | Gaardbr. Arne Tonning | Stryn | 1. repr. førre periode |
| 2. representant | Sogneprest Jakob Sverdrup | Leikanger | |
| 3. representant | Kirkesanger Edvard Liljedahl | Kyrkjebø | 5. repr. førre periode |
| 4. representant | Kirkesanger Knut Kirkhorn | Hornindal | 4. repr. førre periode |
| 5. representant | Overrettssakfører Otto Blehr | Lærdal | 1. suppl. førre periode |
| 1. suppleant | Amtsskolebest. Elias Melvær | Kinn | |
| 2. suppleant | Folkehøiskolebest. Henrik Mohn Dahl | Sogndal | |
| 3. suppleant | Gaardbr. J. J. Myklebust | Breim | |
| 4. suppleant | Gaardbr. J. K. Hæg | Borgund | |
| 5. suppleant | Skolelærer Olav Sande | Leikanger |
Valet
Valtinget vart halde i Førde tingstove 9. september 1882 med 67 valmenn tilstades. 49 tilhøyrde Venstre og 18 Høgre. Dei fem representantane vart valde med 48, 48, 45 og 43 røyster.
Høgre røysta på:
- amtmann Oppen, 20 røyster
- kyrkjesongar Anfinn Refsdal, 19 røyster
- distriktslækjar H. Meyer, 18 røyster
- gardbrukar C. Svanøe, 18 røyster
- kyrkjesongar O. Hestenæs, 16 røyster
Desse fekk dessutan røyster:
- Henrik Mohn Dahl, 5 røyster
- gardbrukar S: Bugge, 2 røyster
- lensmann Andresen, 1 røyst
- gardbrukar J. K. Hæg, 1 røyst
1. suppleant vart vald med 40 røyster, Oppen fekk 20 og Dahl 4. 2. suppleant vart vald med 45 røyster, Oppen fekk 19. Dei tre siste suppleantane fekk 44, 44 (loddtrekning) og 38 røyster. Dessutan fekk Oppen 18 røyster, Meyer 17, Svanøe 17 og Anfinn Refsdal 6 røyster. Det vart i alt røysta på 16 personar ved dette valet.
Frammøte på Stortinget
Representantane møtte på dei ordinære Stortinga i 1883, 1884 og 1885. Jakob Sverdrup vart utnemnd til statsråd 26. juni 1884, så Elias Melvær møtte i 1885. Kirkhorn døydde 3. mars 1885, og Henrik Mohn Dahl møtte frå 10. mars 1885.
Kjelder
- Stortingsval i Sogn og Fjordane (liste)
- Lindstøl, Tallak. (1915). Stortinget og statsraadet 1814-1914. Bd. 2, del 1. De enkelte storting og statsraader. Kristiania: Steen'ske bogtrykkeri, s. 434. (Digital utgåve, NBdigital).