Vedvik krins

Vedvik krins låg opphavleg i Selje kommune. I 1910 vart krinsen ein del av nye Nord-Vågsøy kommune. Ved kommunereguleringa i 1964 vart kommunane Nord-Vågsøy, Sør-Vågsøy og delar av Davik kommune slegne saman til Vågsøy kommune.

Skuledagen

Wilhelm Barmen (født 1904) fortel dette i boka, Sogn og Fjordane i nær fortid: "Vi hadde store dobbeltpultar med fotplate og ei skråstilt bordplate som let seg føre opp og ned. Han Daniel og eg sat ved same pulten, og vi kappast i fleire fag, men mest landkunne. Vi kunne både Aconcagua og Titicasjøen, Rio de Janeiro, Buenos Aires og Montevideo. Likeeins Santiago og Valparasio, og at hovudstaden i Ecuador var Quito og i Colombia Bogoto osb. Men at det var ei bygd i Sogn og Fjordane med namnet Jølster, lærde vi ikkje på skulen."

Lærarar

Etternamn	Fornamn	Fødd	Skule	Tilsett år	Slutta år	Utdanning frå	Merknad
Barmen	Vilhelm Bernt	22.09.1863	Refvik, Vedvik	1889	1928	Stord lærarskule 1884

Kjelder og litteratur

Prenta kjelder

• Sogn og Fjordane i nær fortid. Redigert av Olav Havro og Gunnhild Systad. 1986. Det norske samlaget.
• Vilhelm Barmen (1981) Ein lærar fortel. Jul i Nordfjord. 1981, s. 6-8 – Nordfjord folkemuseum, Sandane.