Anders Nilsson Rundesletten
Det har trolig ikke vært gjort noen endringer på artikkelen den siste uka. I så fall kan denne markeringa fjernes, men sjekk redigeringshistorikken og eventuelt diskusjonssida først.
Anders Nilsson Rundesletten (fødd ca. 1854, død ca. 1895?) var gardbrukar i Nord-Etnedalen i Valdres.
Han vaks opp på Sørre (Syegarden) Steinset (gnr. 31/15) i dåverande Nord-Aurdal kommune, no i Etnedal kommune. Foreldra var gardbrukarparet Nils Nilsson (1811-82) og Ingrid Amundsdotter Steinset (1821-92). Dei kjøpte Sørre Steinset i 1865.
Den 8. januar 1881 gifta han seg med Ragnhild Mikkelsdotter Steinset (1847-1906) frå grannegarden Syegarden (Oppigarden) Steinset (gnr. 31/9). Ho var dotter av Mikkel Nilsson Steinset (1808-81) og Astrid Larsdotter f. Ton (1823-92). Anders og Ragnhild fekk tre jenter som vaks opp: Anne (1882-1965), Inger (1883-?) og Ingeborg (1888-?). To gutar døydde berre nokre månader gamle.
Anders og Ragnhild Steinset kjøpte i 1883 bruket Holo (gnr. 32/12) i Nord-Etnedalen. Seks år seinare bytta dei med Henrik Mikkelson og Marit Olsdotter, som hadde Rundesletten (gnr. 31/11) i same bygdelag. Dette var eit bruk som farbroren hennar Ragnhild, Nils, hadde fått skild ut frå Steinset.
Anders døydde i 1890-åra, men Ragnhild dreiv Rundesletten vidare saman med døtrene sine. Ragnhild døydde i 1906, og seks år seinare solgte døtrene Rundesletten. Seinare eigarar har bygd opp eit heilt nytt tun og gitt bruket namnet Bjørkset.
Kjelder og litteratur
- Hvattum, Harald: Gard og bygd i Etnedal : band A - Bygdehistorie. Bustader og slekter i Nord-Etnedal, Etnedal kommune 1989. Digital versjon på Nettbiblioteket, s. 283, 288, 294, 295 og 326.
- Anders Nilsen i folketelling 1865 for Nord-Aurdal prestegjeld fra Digitalarkivet
- [Anders Nilsen i Klokkerbok for Nord-Etnedal 1876-1895 (brudgom)}}