Antonie Tiberg: Forskjell mellom sideversjoner

Ho voks opp i Hammerfest og reiste til [[Oslo|Kristiania]] for å ta utdanning. Ho tok [[guvernanteeksamen]] ved [[Nissens pikeskole]], og arbeidde så i tre år som guvernante og lærarinne i småskulen. Foreldra ville ikkje at ho skulle ta vidare utdanning, men ho trassa det og blei i 1906 ei av dei første kvinnene i Noreg som blei cand.mag. med ein språkleg-historisk lærareksamen. I skuleverket var det stor skilnad på mannlege og kvinnelege lærarar. For å gjere noko med dette skipa ho saman med sin tidlegare medstudent [[Lydia Bang]] [[Kvinnelige lærerkandidaters forening]]. Denne foreininga blei oppløyst allereie i 1913. I mellomtida hadde ho klart å få stillinga som adjunkt på [[Hamar]].

Etter nokre få å på Hamar blei ho lektor på skulen. Ho underviste i norsk, tysk og historie. Tiberg skreiv også lærebøker i tysk for [[middelskule|mellomskule]] og [[gymnas]], og hadde fleire studiereiser til Tyskland.  

I 1923 blei ho lektor ved [[Vahl skole]] i Kristiania, og i 1928 ved [[Hegdehaugen skole]]. I 1928 starta ho saman med kollegaer opp [[Kvinnelig lektorklubb, Oslo]]. Dette var ein oppfølgjar til Kvinnelige lærerkandidaters forening. Ho var leiar i klubben dei to første åra. Tiberg var også medlem av [[Norske Kvinnelige Akademikeres Landsforbund]] og hovudredaktør for forbundet si jubileumsbok ''Kvinnelige studenter 1882–1932''.