Betel (Fyresdal): Forskjell mellom sideversjoner

'''[[Betel (Fyresdal)|Betel]]''' (Fyresdal gnr. 37/5, fnr. 6) ligg i [[Skippergata (Fyresdal)|Skippergata]] 8 i [[Folkestadbyen]] i [[Fyresdal kommune]]. Tomta er ei festetomt gått ut frå [[Århus (Fyresdal, gnr. 37)]]. Bygningen vart bygd i 1890. Det var den frikyrkjelege rørsla ''Misjonsforeininga'' som var byggherre og som nytta bygget til bedehus. Betel var eit midtpunkt i Folkestadbyen i mange år, og huset vart nytta til møte og samlingar av mange slag.

Med dette var det blitt eit betre fungerande bygg slik ein såg det den tid, men mykje av den gamle atmosfæren var vekk. Tidlegare vart bedehuset nytta ein del til samvær etter gravferder, og der var mykje møteverksemd av ulik slag, men alt slikt vart det etter kvart mindre av. Då det var aktuelt med barnehage tok det litt tid før kommunen starta opp, og då skipa menigheten til ein barnehage på Betel som var i full drift til kommunen bygde eige hus til dette nær skulen. Med mindre og mindre bruk av eit hus som kravde meir og meir vedlikehald frå ei gruppe personar som det etter kvart vart færre av, kom styret i [[Fyresdal Normisjon]] fram til at tida var komen for avvikling. Dette var sjølvsagt litt sårt, men så var det slik at kyrkja i Fyresdal trong eit møtelokale til diverse bruk og kunne tenke seg å drive Betel vidare. Alle var vel nøgde med det, og 1. januar 2012 tok soknerådet i Fyresdal over bedehuset Betel vederlagsfritt. Eit noko forfalle bedehus var kome i dei beste hender. Ikkje minst misjonsfolket var takksame for ei god avslutning på ein ærerik periode.

===Betel som soknehus===

Det vart no etter kvart utførd diverse meir eller mindre krevjande utbetringar det vere seg av kompetente arbeidsfolk eller økonomi. Kyrkja var så heldig å ha ein sers dugande kyrkjetenar som med støtte frå kyrkja og frå ulike folk i miljøet fekk gjort eit imponerande arbeid. Alle vindauge var framleis originale i 2018. Dei vart teke ned, restaurera, kitta og satt opp att slik at dei ville fungere fullgodt i lang tid framover. Alt i salen vart måla på nytt. Då [[Moland kyrkje (Fyresdal)|Moland kyrkje]] fekk ny lysarmatur i 1962 vart dei gamle lysekronene og lampettane i tre lagra diverse stader. Dei var skore ut av [[Bendik Gjermundson Veum|Bendik G. Veum]] (1887-1958), og desse vart montert i salen med sers godt resultat. Den mindre salen vart grundig  rehabilitera/restaurert.  I eit tilbygg til gangen mot syd vart det plass til to toalett, det eine HC, og vaskerom. Gangen vart då frigjort til gamal storleik, med varmekablar i golv og tømmerveggar som før, alt nymåla, gjev den eit sers godt fyrsteinntrykk. Heile romet mot nord vart innreidd til eit  moderne kjøkken som tilfredsstillar diverse krav til aktuell bruk. Heile bygningen vart måla utvendig etter nødvendige reparasjonar, og det vart lagt nytt tak. Uthuset måla med nytt tak og stakittgjerde delvis kring uteområdet.