Hans Aanrud
Hans Aanrud (fødd 1863 i Vestre Gausdal (no Gausdal kommune), død 1953 i Lyngdal) var forfattar.
Han studerte jus og filosofi, men fullførde ikkje noko studium. Sitt rette emneområde som forfattar fann han da han gav ut forteljinga Hvorledes Vorherre fik høet til Asmund Bergemellem (1888). Han gav ut forteljingar av nokolunde same typen i Fortællinger (1891), Fra Svipop til Venaasen (1892) og andre samlingar. Aanrud er realist, fortel enkelt og ofte med humor om vanlege bygdefolk. I stilen har han drag frå folkeeventyert, stundom i personteikninga òg. I nokre av forteljingane er stemninga mørk, til og med uhyggjeleg, som i Vinternatt. Minne frå hans eiga barndomstid er grunnlaget for dei fine idyllane Sidsel Sidsærk (1903) og Sølve Solfeng (1910).
Kjelder og litteratur
- Dale, Johs. A.: artikkel i Norsk allkunebok band X. oslo 1966.
- Elster, Kristian: artikkel i Norsk biografisk leksikon bind I. Oslo 1923.
|
