Ketil Skogens veg

Ketil Skogens veg på Gvarv i Sauherad kommune går sørover frå Gvarvgata mot Gvarv brygge og med ein grein austover til Skrivarvegen.

Ketil Skogens veg sett nordover frå Gvarv brygge.

Foto: Roy Olsen (2017).

Vegen, som ligg i Skrivargrenda, er kalla opp etter juristen, politikaren og målmannen Ketil Skogen, og blei namnsett i 1999. Den er om lag 350 m lang.

Ketil Skogen var sakførar i Sauherad 1910–14 og 1916–36, sorenskrivar i Vest-Telemark 1936–54 og fast forsvarar ved Nedre Telemark heradsrett 1917–42, og frå 1945. Han satt i Sauherad kommunestyre 1910–13 og var varaordførar 1919–22. Stortingsrepresentant for Venstre i Telemark var han i to periodar 1925–27 og 1946–50.
Ved Gvarv stasjon står ei byste av Skogen.

Kjelder

• Kartverket, norgeskart.no
• Biografi: Skogen, Ketil - Stortinget.
• Ketil Skogen - Allkunne.