Labråten (Asker)

Labråten.

Foto: Olve Utne (2007).

Labråten i Asker var Hulda og Arne Garborg sin heim frå 1897 til 1934. Huset står mest som det gjorde medan dei budde der. Adressa er no Arne Garborgs vei 31.

Huset var ein viktig samlingsplass for målfolket, og vart derfor ofte kalla «Målkroken». Mellom anna var det her tankar om å opprette Det Norske Teateret vaks fram.

I 1995 kjøpte Asker kommune huset, og det er no ein del av Asker museum. Huset er ope for omvising.