Ragnhild Mikkelsdotter Rundesletten
Det har trolig ikke vært gjort noen endringer på artikkelen den siste uka. I så fall kan denne markeringa fjernes, men sjekk redigeringshistorikken og eventuelt diskusjonssida først.
Ragnhild Mikkelsdotter Rundesletten (fødd ca. 1847, død 1906) var ei småbrukarkone i Nord-Etnedalen i Valdres.
Ho vaks opp på Syegarden (Oppigarden) Steinset (bnr. 9) i dåverande Nord-Aurdal kommune, no i Etnedal kommune. Foreldra var gardbrukar Mikkel Nilsson Steinset (1808-81) og Astrid Larsdotter f. Ton (1823-92). Ragnhild var den nest eldste i ein syskenflokk på seks.
Ho vart gift med Anders Nilsson frå grannegarden Sørre Steinset (bnr. 15). Dei fekk tre jenter som vaks opp: Anne (1882-1965), Inger (1883-?) og Ingeborg (1888-?). To gutar døydde berre nokre månader gamle.
Familien kjøpte i 1883 bruket Holo (gnr. 31/12) i Nord-Etnedalen. Seks år seinare bytta dei med Henrik Mikkelson og Marit Olsdotter, som hadde Rundesletten i same bygdelag. Dette var eit bruk som farbroren hennar Ragnhild, Nils, hadde fått skilt ut.
Anders døydde i 1890-åra, og Ragnhild dreiv Rundesletten vidare saman med døtrene sine. Sjølv levde ho til 8. november 1906.
Kjelder og litteratur
- Hvattum, Harald: Gard og bygd i Etnedal : band A - Bygdehistorie. Bustader og slekter i Nord-Etnedal, Etnedal kommune 1989. Digital versjon på Nettbiblioteket, s. 283, 288, 294, 295 og 327.
- Rangil Mikkelsdatter i folketelling Nord-Aurdal prestegjeld fra Digitalarkivet
- Ragnhild Mikkelsd. i folketelling Etnedal herred fra Digitalarkivet
- Ragnhild Mikkelsdtr. Sletten i Klokkerbok for Nord-Etnedal sokn 1894-1911 (gravlagte).