Roholt kyrkje: Forskjell mellom sideversjoner

I 1885 stod [[Vrådal kyrkje|nykyrkja på Sanden]] som arkitekt [[Christian Heinrich Grosch|C.H. Grosch]] hadde teikna klar, om lag 2,5 kilometer lengre vest. Etter at den siste gudstenesten var forretta 19. mai 1887 vart kyrkja taken ut av bruk og eit stort flyttelass gjekk til [[Sanden (Kviteseid gnr 14/3)|Sanden]]. Mykje av inventaret i gamlekyrkja reiste dit, preikestolen, altartavla, døypefonten, salmetavler, altarbord, krusifikset, ljosestakar og eit skrin til oblatane, båe klokkene reiste og – om enn den eine var sprukken. Til og med hengsle og dørhella fekk plass på lasset, saman med låsen og lykjelen til kyrkjedøra. Når innboet hadde reist, var kom turen til tømmeret. Det vart mellom anna stall og stoge ved nykyrkja. Gapestokken reiste ikkje langt, den stend no på tunet til vestre Roholt.

Den lafta kyrkja var den andre på denne staden, den vart truleg bygd på staden der den fyrste stod. Det var ei [[stavkyrkje]] som må ha vore vigsla føre [[11. november]] [[1395]] då [[Eystein Aslaksson|biskop Eystein]] av Oslo nemner henne i det [[hyrdebrev]]et som og er kjend som «lokalstatutt for Øvre Telemark».<ref>Mørch 2007.</ref>

[[Riksantikvaren]] sin database [[Kulturminnesøk]] fortel at «På 1570-tallet låg det ein skyldpart (v thønnr Korn) i Krageness til [[Leksikon:Prestebordsgods|mensa]] ved [[Kviteseid gamle kyrkje|Kviteseid hovedkirke]] (St. 225), ein indikasjon på eit tidlegare [[prestebol]] til Roholt kyrkje.»<ref>{{kulturminne|213276-1}}</ref> Biskop [[Jens Nilssøn]] kom på [[visitas]] til «Roeli» i 1595 medan kyrkja var [[anneks]] til Kviteseid. På den tida var det «1 mijl» til hovedkyrkja, og gudsteneste i Vrådal kvar fjerde sundag.