Signe Hovet
Signe Olsdotter Hovet (fødd 6. februar 1916 på Hovet i Hylestad, død 28. mai 2017 i Valle) var dotter til Olav Hansson Hovet (1866–1932) og Gyrid Jonsdotter Bjørgum (1872–1968). Ho vart døypt av prest Tønnesen i Hylestad kyrkje 12. mars 1916, og konfirmert av prest Brun 19. april 1931 same staden.
Ho var yngst i ein syskenflokk på 11, der eldstemann Hans Hovet (1896–1896) døde som barn. Sjølv vart ho aldri gift, og budde på Hovet i Valle med sine sysken Hans, Targjerd og Signe. Ho budde dei siste åra på bygdeheimen i Valle. Ho arbeidde mellom anna som sjukepleiar både i USA og i Noreg, og det var i denne sektoren ho arbeidde mesteparten av tida. På hundreårsdagen hennar i 2016 kom Steinar Kyrvestad, ordførar i Valle kommune, med telegram frå kong Harald V.
Gravferda var frå Hylestad kyrkje fredag 9. juni 2017 klokka 13.
Sysken: Hans O. Hovet (1896-1896), Gyro O. Løyland Hovet (1896-1990), Gunvor O. Sonoda Hovet (1898-1996), Anne O. Hovet (1900-1998), Gro O. Afzelius Hovet (1902-1986), Hans O. Hovet (1905-1998), Ingebjørg O. Brokke Hovet (1907-2001), Targjerd O. Hovet (1909-2003), Birgit O. Byklum Hovet (1912-2009) og Sigrid O. Glåmseter Hovet (1914-1992).
Kjelder
- Aust-Agder fylke, Hylestad i Valle, Klokkerbok nr. B 2 (1875-1921), Fødte og døpte 1914-1916, side 83, nr. 2.
- Aust-Agder fylke, Hylestad i Valle, Klokkerbok nr. B 3 (1921-1948), Konfirmerte 1931, side 82, nr. 1.
- Lien, Ole Birger: «Signe runda 100 og fekk telegram frå Kongen» i Setesdølen 12. februar 2016, side 7.
- Setesdølen 2017: Dødsannonse 8. juni 2017, side 2.
- «Signe Hovet» på Setesdalswiki.