Vågslidtun hotell
Vågslidtun hotell blei oppført på den gamle branntomta der Vågslid hotell stod tidlegare. Den nye hotellbugningen stod ferdig i 1971, og hotellet heitte frå byrjinga Vågslid hotell.[1] Seinare har hotellet bytta eigarar og namn fleire gonger, m.a. til Haukeli Høgfjellshotell, Vågslid Høgfjellshotell og Vågsli hotell og fjellkro. I dag heiter hotellet Vågslidtun hotell.
Vågslidtun hotell har vore gjennom fleire moderniseringsomgangar. Allereie i 1982 gjennomgjekk hotellet ei større modernisering der m.a. bada blei pussa opp. I 1991 hadde hotellet 48 rom med plass til 140 gjester. I tillegg bestod hotellet av ni "appartementsleiligheter".[2]
På 2000-talet bygde dåverande eigar ut fleire leilegheiter som blei solgt til private, og antall hotellrom har med tida blitt redusert til 20.
Arkiv
Arkivet etter Vågslidtun hotell vert oppbevart ved Vest-Telemark Museum.
Referansar
Kjelder og vidare lesning
- Christenson, Ragnvald, Ferdsla over Haukeli og dei gamle hotella, Notodden, 2019.
- Grønli, Jon Terje, "Storhotell på gamle tufter", i Tønsbergs Blad, 8. august 1992.
- Tinholt, Dag, "Solgte ti leiligheter på få timer", i Telemarksavisa, 16. juni 2004.