Harald Isaksen Hagen (1817–1879)

Fra lokalhistoriewiki.no
Hopp til navigering Hopp til søk

Harald Isaksen Hagen (1817–1879) var gardbrukar og lokalpolitikar.

Harald Isaksen var son til husmannsfolka Isak Haraldsen (1781–1865) og Berit Olsdotter (om lag 1782–1885) i Isaksplassen av nedre Nore i Krødsherad.[1]

Han kjøpte garden Hagen (kalla Nord-Hagan eller Helgesplassen) i Krødsherad i 1846. Garden består av tre eller fire tidlegare plassar.[2]

Harald Isaksen var aktiv i lokalsamfunnet, både i politikk og kyrkjelydsliv. Han var formann i ei av dei sju arbeidarforeiningane i Krødsherad som vart skipa i 1849 som ein del av Thranerørsla.[3] Han åtte jord og var såleis ein av dei om lag 36 av dei 115 registrerte medlemene i arbeidarforeiningane i Krødsherad som hadde røysterett. Han og tre andre medlemer, Ole N. Dannemark, Gul B. Flatin og Truls C. Rund, vart innvalde i heradststyret i Sigdal (Krødsherad høyrde til Sigdal kommune fram til 1901). Harald Hagen var medlem i heradstyret 1856–61 og 1876–79. Han sat i formannskapet 1860–61 og 1876–79. 1860–1864 var han medhjelpar åt presten.[4]

Andreas Mørch skriv at det blir fortalt at Harald Isaksen Hagen òg var felemakar.[5]

Harald Isaksen vart gift med Gunhild Amundsdotter Rødningen (1821–1894) frå Eggedal. Dei hadde seks søner og to døtrer

Referansar.

  1. Andreas Mørch (1974): Krødsherad, bd. 1, s. 413.
  2. Andreas Mørch (1974): Krødsherad, bd. 1, s. 437–438
  3. Andreas Mørch (1976): Krødsherad. Bd. 2, s. 581
  4. Andreas Mørch (1974): Krødsherad, bd. 1, s. 437
  5. Andreas Mørch (1976): Krødsherad, bd. 3, s. 812.

Litteratur og kilder