Innvik krins
Innvik i Stryn kommune (tidlegare Innvik kommune) var ein skulekrins fram til 1861, men vart så delt i to krinsar, Langved og Lyslo. I 1890 vart desse to krinsane einige i å slå seg saman til Innvik krins igjen.
Innvik var tidleg ei sentral bygd, og var frå starten av hovedkrins. Etter den første skulefundasen frå 1734 vart Innvik prestegjeld delt i seks skuledisktrikt, og Innvik var eit av desse. Den neste fundasen frå 1749 slo fast at kvart av desse seks skulle delast i to delar slik at ein fekk tolv omgangsskuledistrikt. I Innvik hadde desse to disktrikta skule i kvar sin halvdel av vinterhalvåret.
I 1829, to år etter skulelova av 1827, er Innvik skuledistrikt delt inn i fire rodar:
- Hilde (den største garden i Innvik)
- Reme, Torsætter, Dragesætter og Skodden
- Lyslo, Hægdal og Lien
- Frøholm, Aarholen, Agielden, Vandberg, Hæggestad og Gildestad
Skuleveg
Skulehus
Allereie i 1834 kom det første skulehuset på Klokkargarden i Innvik. Det vart først bygd skulehus ved sjøen på Presetagarden si tomt ved det som no heiter Sydneskrysset. Dette stod ferdig i 1846. I 1863 vart det bygd skulehus både i Langved krins og i Lyslo krins. Etter at krinsane vart slegne saman igjen kom eit nytt, felles skulehus på Labakken i 1896. Etter krigen var det igjen behov for nytt skulebygg, og dette stod klart i 1957. I 1986 kom eit nytt tilbygg til skulen.
Skulehuset på Klokkarbakken
- Byggeår:
- Fungerte som skule: 1834-1846
- Anna bruksområde: Dette gamle huset på Klokkkarbakken vart kjøpt av prest Cammermeyer og kapellanane og gitt til bygda for å fungere som skulehus.
Sydneshuset
- Byggeår: 1845/46
- Fungerte som skule: 1846-1863
- Anna bruksområde: Lærar og kyrkjesongar Mons Sydnes tok i bruk huset som bustadhus. Han kjøpte huset i 1870, og det var i familien si eige fram til 1986 då det vart flytta til Nordfjord folkemuseum på Sandane.
Langved skule
- Byggeår: 1863
- Fungerte som skule: 1863-1896
- Anna bruksområde:
Lyslo skule
- Byggeår: 1863
- Fungerte som skule: 1863-1896
- Anna bruksområde:
Labakken skule
- Byggeår: 1896
- Fungerte som skule: 1896-1957
- Anna bruksområde:
Innvik skule
- Byggeår: 1957
- Fungerte som skule: 1957-
- Anna bruksområde:
Lærarar
| Namn | Føydd | Skule | Tilsett år | Slutta år | Utdanning frå | Merknad |
|---|---|---|---|---|---|---|
| Torjels Hilde | Innvik | 1749 | 1771 | Seminarium Catechetium i Bergen | ||
| Lars Hilde | 1751 | Innvik | 1772 | Brorson til lærar Torjels Hilde | ||
| Anders Hilde | Innvik | Son til lærar Lars Hilde | ||||
| Jørgen Lyslo | ca 1730 | Innvik | 1755 | |||
| Peder Lyslo | 1754 | Innvik | 1782 | Son til lærar Jørgen Lyslo | ||
| Peder Andersen Angel | 1718 | Innvik | 1802 | Klokkar | ||
| Andreas Angel | Innvik | 1802 | 1829 | Son til klokkar Peder Andersen Angel. | ||
| Erik Jørgenson Bolstad | Innvik | 1829 | 1831 | Vekselskulen i Bergen | Vart rektor for vekselskulen ved Kristi Krybbe i Bergen frå 1831. | |
| Ola Arneson Drageset | 1811 | Innvik | 1832 | 1849 | Vekselskulen i Bergen | Døydde berre 38 år gamal i 1849. |
| Arne Larson Skarstein | 1824 | Innvik | 1849 | 1862 | Stord lærerskole 1849 | Lærar og kyrkjesongar, skipa framhaldsskule for vaksen ungdom. Flytta til Holmedal i 1962 |
| Mons Kristofferson Sydnes | 1831 | Innvik | 1862 | 1894 | Døydde i 1901. | |
| Lars Reed | 1864 | Innvik | 1894 | 1930 | Arbeida for fråhaldssaka, ungdomsrørsla og målrørsla. | |
| Jørgen Lyslo | 1896 | Holen krins / Innvik krins | 1917 / 1930 | 1919 / 1963 | Volda lærerskole | Tilsett som lærar ved lærarskulen i Volda frå 1919. Tilbake til Innvik i 1930 |
| Jørgen Dragesæt | 1897 | Holen krins / Innvik krins | 1922 / 1924 | 1964 | Dragesæt døydde i 1969. Han jobba både i Holen, Blakset, Innvik og Utvik. | |
| Steinar Sandal | 1963 | 2003 | Rektor | |||
| Ingolf Muri | 1964 | 1967 | ||||
| Ingrid R. Muri | 1964 | 1967 | ||||
| Ingvar Hilde | 1967 | 1970 | ||||
| Leidulf Kårstad | 1967 | 1970 | ||||
| Oddgeir Bjørlo | 1969 | 2006 | ||||
| Bodil Lien | 1970 | 1973 | ||||
| Randi Bjørseth | 1970 | 1999 | ||||
| Ragnhild Vambeset | 1972 | |||||
| Anne Berit Bjørdal | 1974 | 1983 | ||||
| Jan Espe | 1975 | 1987 | ||||
| Bjørg Vik Sårheim | 1980 | 1990 | ||||
| Karin Heggdal Bruland | 1981 | |||||
| Atle Kårstad | 1983 | |||||
| Dag Vanberg | 1987 | 1993 | ||||
| Terje Raftevold | 1999 / 2004 | 2003 / 2005 | ||||
| May-Iren Skåden | 2002 | |||||
| Gro Larsen Hjelle | 2002 | |||||
| Lena Heggdal Skogen | 2003 | |||||
| Per Inge Seime | 2003 |
Foto
- Bygning, Innvik, Klokkargarden 1910 | Maurseth, Jens Knutsen Dette er eit bilete frå fotosamling til Fylkesarkivet i Sogn og Fjordane. På biletet ser ein lærar Lars Reed og kona hans, Marte Reed (f. Hjelmeset). Reed var lærar i Innvik frå 1894 til 1930.
Kjelder og litteratur
Prenta kjelder
- Kåre Nygård (red) (2006) Skulehistorie for Innvik og Stryn kommunar 1739-2000