Jul Haganæs

Jul Haganæs.

Foto: Forfatternett Oppland

Jul Haganæs (fødd 22. august 1932 i Aurdal, død 3. april 2013 same stad) var ein forfattar frå Aurdal i Valdres. Han debuterte som lyrikar i 1965. Stein under fuglefot, som kom hausten 2000, var den 12. diktsamlinga hans. For Mørkegangsdalen som kom i 1987, fekk han Sunnmørsprisen.

I 1979 kom eit utval av dikta til Haganæs ut på Island, i omdiktning av Gudmundur Danielsson. Den finske lyrikaren Maj-Lis Holmberg har sett om dikt av Haganæs både til finsk og svensk, og den polske lyrikaren Jerzy Wielunski har omsett og publisert dikt av han i heimlandet sitt.

Haganæs har også skrive fleire dokumentarbøker. Den mest kjende av desse er truleg boka om Knut Hamsun og Aurdal, som kom i 1982 og fekk mange lovord av kritikarane. Mellom prosabøkene til Haganæs er elles biografiar om forfattarane Sigurd Lybeck og Ola Viker.

Haganæs har fått Nord-Aurdal kommunes kulturpris og kulturprisen som Aurdal og Sørskogen Arbeiderlag deler ut.

Bibliografi

• "Aprilnetter". Fonna Forlag, 1965. (dikt)
• "Og dagane draup". Fonna, 1967. (dikt)
• "Vindskag". Fonna, 1970. (dikt)
• "Signal til vengene". Noregs boklag, 1972. (dikt)
• "Nyper i frost". Noregs boklag, 1973. (dikt)
• "Berget i spegelen". Norges boklag, 1975. (dikt)
• "Skriuland". Norges boklag, 1978. (dikt)
• "Brennefang til bålet". Noregs boklag, 1979. (dikt)
• "Strået ved jarnvegen". Noregs boklag, 1981. (dikt)
• "Nu god Nat min Ven. På Hamsuns gjengrodde stier i Aurdal". Grøndahl, 1982.
• "Slekt skal følge :Dieserud-folket fra Aurdal". Paul T. Dreyers forlag, 1983.
• "Om det koster deg livet. Fra krigens dager i Valdres". Grøndahl, 1985.
• "Kurèr for frihet. Historien om Bjarne Holth-Larsen". Grøndahl, 1986.
• "Mørkegangsdalen". Grøndahl, 1987. (dikt)
• "Flygerne fra Piltingsrud. En beretning om uredde valdriser". 1988.
• "En folkets forteller. Sigurd Lybeck, etnedølen som skapte Bustenskjold". Grøndahl, 1989.
• "Dikteren ved dommerbordet. Et portrett av Ola Viker". Grøndahl,1992.
• "Men ljoset finn veg". Fonna, 1992. (dikt)
• "På vingene for friheten. Flygeren Conrad Skjoldhammer". Valdres forlag, 1995.
• "Stein under fuglefot". Snøfugl, 2000. (dikt)
• "Lange Sander og andre noveller". Snøfugl, 2002.
• "Nattens bilder". Snøfugl, 2004. (dikt)

Meldingar og artiklar

• Bladet "Valdres" 25. januar 1980: Artikkel av Ivar Orgland: "Norsk lyrikk på islandsk. Gudmundur Danielsson presenterer diktaren Jul Haganæs".
• Artikkel av Maj-Len Rönkä i tidsskriftet "Horisont" (Organ för svenska Österbottens litteraturförening): "Jul Haganæs - vill få noko til å dukke opp i sinnet".
• Kronikk av Carl Fredrik Engelstad i Aftenposten 3. november 1982: "Med Knut Hamsun i Valdres". (Om "Nu god Nat min Ven" av Jul Haganæs.

Eksterne lenkjer

• «Jul Haganæs» på Wikipedia på bokmål og riksmål
• Jul Haganæs i Historisk befolkningsregister