Lofthus (Tinn gnr 58)
Lofthus er ein matrikkelgard i Atrå sokn i Tinn kommune. Gardsnamnet, som finst mange stader, tyder truleg «hus med rom i andre høgdi», altså eit hus med loft.
Saman med grannegarden Flåten var Lofthus på 1500- og 1600-talet ein del av storgarden Gauteset (Gauset). Gauteset vart seinare delt, slik at Lofthus vart sjølvstendig gard. På slutten av 1700-talet heitte eigaren Jon Gunnulvsson. I Tinn soga (s. 293) skriv Halvor H. Einung at Jon var «ein stor og sterk kar og ein drivande arbeidsmann. Han fekk samla heile Lofthus eigedomen og var i god stilling. Men han vart meir og meir likesæl så det gjekk attende med han.»
I 1806 vart Lofthus delt mellom to av sønene til Jon Gunnulvsson. Eldstesonen Gunnulv fekk Nord Lofthus, medan den nest eldste, Sondre, fekk Sud Lofthus.
Bruk
- Nord Lofthus (bnr. 1), skogen vart i 1809 solgt til Didrich von Cappelen
- Dalen (bnr. 2), gammal husmannsplass, kan ha heitt Steinarsrud før
- Sud Lofthus (bnr. 3), skogen vart i 1809 solgt til Cappelen
Kjelder
- Einung, Halvor H.: Tinn soga. B. 2. Rjukan. 1953. Digital versjon på Nettbiblioteket, s. 291-295.
- Lofthuus i folketeljinga 1801 for Tinn prestegjeld frå Digitalarkivet