Martinus Sørestrand
Martinus Andriassøn Sørestrand (fødd 21. august 1892 i Lavik i Sogn, død 23. desember 1977) var lærar, gardbrukar, organist og folkeminnesamlar.
Foreldra var Adrias Bendikson Løland og Eli Sjursdtr. Avedal. Han gifta seg i 1914 med Hansine Alette Larsedtr. Raasberg (1889-1945). Dei fekk to born. I 1945 gifta han seg med Anna Martinusdotter Mørkve (1923-2008). Dei fekk også to born.[1]
Martinus Sørestrand gjekk på Sogndal Folkehøgskule og Sunnfjord Ungdomsskule. Han tok eksamen på Stord Lærarskule i 1913. I 1914 var han lærar på Kyrkjebø, Sogn, og frå 1915 var han lærar i Årdal.[2] I 1920 flytta familien til Vossestrand, og Sørestrand var lærar ved Myrkdalen skule frå 1920-1952 og 1959-1961.[3]
Sørestrand var aktiv i lokalmiljøet, blant anna som korledar og bygdesogegranskar. Han samla også inn folkeminne, og hadde stipend frå Historielaget i Sogn for å delta på Folkeminneskeidet i Bergen i 1918.[4] I Etno-folkloristisk arkiv ved Universitetet i Bergen er der fire notatbøker med folkeminne Sørestrand samla frå Årdal.
Under Læreraksjonen i 1942 vart Martinus Sørestrand tatt til fange. Han sat i fangenskap frå 20.03.1942 til 22.11 same år.[5]
Referansar
- ↑ Ættebok for Vossestrand II. Utg. Voss bygdeboknemnd. Voss. 2013. Digital versjon på Nettbiblioteket.
- ↑ Dagen (Bergen) 1952.08.20. 19520820. Digital versjon på Nettbiblioteket.
- ↑ Ættebok for Vossestrand II. Utg. Voss bygdeboknemnd. Voss. 2013. Digital versjon på Nettbiblioteket.
- ↑ Tidsskrift. Utg. Historielaget. Kaupanger. 1920. Digital versjon på Nettbiblioteket. s.83
- ↑ Martinus Sørestrand - Norsk digitalt fangearkiv 1940-1945 - Fanger.no