Olaus Høydal

Olaus Høydal (fødd 25. mars 1913 - død 14. mai 2003) var lærar og forfattar. Han voks opp på Ånåskosi i Langlim i Seljord, saman med sju sysken, deriblant forfattaren Aslaug Høydal.

Høydal arbeidde som lærar både i grunnskule og folkehøgskole. Han skreiv om lag 30 bøker utgitt på forskjellige forlag. Desse spenner seg frå barnebøker og romaner til skodespel og avhandlingar. Dessutan skreiv han eigen sjølvbiografi.

Det har vore viktig for meg å skrive. Det har vore for lite å vera berre lærar. Det var så mange tankar ein gjekk med og så mange emne ein interesserte seg for. Så eg fekk lyst til å skrive. Det dukka opp i tanken eit emne eg gjekk og grubla på og utvikla i tankane. Når det var gjort, sette eg med ned for å skrive. Då eg fyrst hadde hovudtrekka klare, så kom detaljane og alt det andre til under skrivinga.

I 1995 fekk Olaus Høydal Heddal og Notodden Mållag sin målpris for god bruk av nynorsk.

Bibliografi

• Høydal, Olaus: Gutane i Ramnåsheia, 1942
• Høydal, Olaus: Rypefangarane i Rustfjell, 1946
• Høydal, Olaus: Nord i Vårbuli, 1947
• Høydal, Olaus: Villstyring, 1948
• Høydal, Olaus: Helteliv, 1953
• Høydal, Olaus: Gap og gjøn, 1954
• Høydal, Olaus: Frå ungdomsliv til ekteskap, 1955
• Høydal, Olaus: Sumaren på Bjånes, 1957
• Høydal, Olaus: Buddhismen, 1963
• Høydal, Olaus: Erling rømmer heim, 1964
• Høydal, Olaus: Guds skodespelarar, 1965
• Høydal, Olaus: Nautkollen ler, 1966
• Høydal, Olaus: Frode på Færøy-ferd, 1967
• Høydal, Olaus: Kjellaug, 1967
• Høydal, Olaus: Steborn, 1969
• Høydal, Olaus: Berget opnar seg, 1972
• Høydal, Olaus: Murane, 1973
• Høydal, Olaus: Narresmokken, 1974
• Høydal, Olaus: Teater Mystica, 1975
• Høydal, Olaus: Det store UH, 1976
• Høydal, Olaus: Grodd av jord, 1978
• Høydal, Olaus: Steinar for brød, 1981
• Høydal, Olaus: Med sveitten i andletet, 1985
• Høydal, Olaus: Trollbu-brev. Utg. O. Høydal. 1993. 52 s. ISBN8299133114. Digital versjon på Nettbiblioteket
• Høydal, Olaus: Tussane i Tårenut, 1999

Kjelder

• Lenke til biografi på Telemarksportalen.