Erik Aarvik
Det har trolig ikke vært gjort noen endringer på artikkelen den siste uka. I så fall kan denne markeringa fjernes, men sjekk redigeringshistorikken og eventuelt diskusjonssida først.
Erik Andreas Aarvik (fødd 19. desember 1876 i Børsa i Sør-Trøndelag, død?) var lærar og redaktør, aktiv i fråhalds-, mål- og venstrearbeid i Orkdalen.
Han var son av båtbyggjar Elling Eriksen og Ingeborg-Anna Andersdotter Aarvik. Erik Andreas Aarvik tok eksamen ved Levanger lærarskule i 1898. Seinare tok han kurs i mellom anna sløyd og teikning.
Som nyutdanna var han lærar i Lenvik (1898) og Vågan (1899). Aarvik arbeidde frå 1903 i Geitastrand, i 1911 var han i Orkdal, men i 1912 kom han til nabobygda Orkanger, der han vart resten av yrkeslivet.
Aarvik var i to bolkar redaktør av bladet Sør-Trøndelag (1908-17 og frå 1926). I 1921 vart han skulestyreformann i Orkanger, og ei tid var han dessutan overformyndar. Erik Andreas Aarvik var styremedlem i Uttrøndelag lærarlag og formann i Orkdal kretsvenstrelag.
Han gifte seg i 1908 med Maren Oline Andersdotter Roven (1869-), dotter av gardbrukar Anders Toresen Roven.
Kjelder og litteratur
- [ DIS-Norge: Gravminner i Norge (id. )]
- Erik Aarvik i folketeljinga 1900 for Vågan herred frå Digitalarkivet
- Erik Aarvik i folketeljinga 1910 for Geitastrand herred frå Digitalarkivet
- Erik Andreas Ellingsen Aarvik i Klokkerbok for Børsa prestegjeld, Geitastrand sokn 1905-1946 (vigslar i 1908) fra Digitalarkivet
Espeland, Arne: Norske skolefolk (første utgave), Dreyer forlag, Stavanger 1934. Digital versjon på Nettbiblioteket