Trønder
Hopp til navigering
Hopp til søk
- Denne sida handlar om språkforma trønder. For folk frå Trøndelag, sjå trønderar.
![](/thumb.php?f=14903cr_kakskiv_%287-11%2C_krysset_Munkegt-Dronningensgt%2CTrh%29.jpg&width=400)
Skilt i glasdisken i Seven–eleven ved krysset mellom Munkegata og Dronningens gate i Trondheim: «Kakskiv» (‘brødskive’).
Foto: Olve Utne, 2009
Trønder eller trøndermål, òg kalla trønderdialekt, trøndsk eller trøndersk, er ei av hovudgruppene av norske dialektar. Trøndermåla blir tradisjonelt snakka i heile Sør- og Nord-Trøndelag og Nordmøre; og i tillegg i Bindal kommune i Nordland; i Frostviken og Herjedalen i Sverige; samt i Elgå og Kvikne i Nord-Østerdalen. Strukturelt er trøndermåla særprega av tjukk l, jamvekt og varierande grad av apokope. Alle desse trekka er felles med norrländska (inkludert jamska) i Sverige og austsvenske mål på vestkysten av Finland og i Estland. Innanfor Norge er trøndermåla strukturelt sett mest i slekt med austlandsmåla og leksikografisk sett vel så nært i slekt med nordnorsk.