Bjårlii 16-18 (Bykle)

Bjårlii 16-18 er eit kommunalt hus frå kring 1979-80. Kven som har budd her dei fyrste åra huset var i bruk har me ikkje oversikt over, men iallfall var Jarle Knutsen og Aina Velde her i åra frå 1991 til 1994. I 1995-96 budde Steinar Lundgren her, og i 1997-99 Sveinung Nielsen. I 1999 kaupte Eivind Andre Moe huset av kommunen:

• Eivind Andre Moe, f 1967

Bjårlii 16-18
Bjårlii 16-18 pr 30.4.2006. Foto: Aanund Olsnes
Rydda:	1980
Utskilt:	1999
Stad:	Bykle (Kyrkjebygdi)
Sokn:	Bykle
Fylke:	Agder
Kommune:	Bykle
Gnr.:	15
Bnr:	126
Type:	Bustadeigedom
Adresse:	Bjårlii 16-18

Eivind Andre Moe er frå Gjøvdal og son åt Gunhild og Olav S. Mo. Han arbeider som lærar i ungdomsskulen, og har vore i Bykle sidan 1993. Tidlegare har han ma. budd i Bjårlii 21-23, bnr 109.

I sokkeletasjen budde Linda Halvorsen frå 1994 til 2000, frå 1996 saman med Beate Madsen. Dei bur nå i Bjårlii 20, og får nærare omtale der.

Den neste til å bu her var etter det me kan sjå:

• Torill Landrø, f 1971

Torill er frå Lensvik i Sør-Trøndelag. Ho var personleg assistent for Magnhild Skagestad frå hausten 1997 til våren 2001. I denne tida budde ho fyrst ei stund i Øvre Sarv nr 1, sidan her, og sistpå i sokkeletasjen hjå Ingebjørg Mosdøl. Våren 2001 flutte ho attende til Lensvik.

Den neste me kjenner til har vore her flutte inn like fyre jol 2002, og bur her framleis (2006).

• Kjetil Midtgarden, f 1973

Kjetil er frå Mo, og son åt Olav og Signe Midtgarden. Han arbeider i Bykle kommune, steller med renovasjon, og tek seg elles av dei kommunale grøntareala.