Lars Tøgerson Kronen
Lars Tøgerson Kronen (døypt januar 1808, død 2. desember 1886) var frå garden Kruna i Krundalen i Jostedalen. Han var son til Tøger Larsson Kruna og Gjertrud Andersdotter, og dermed soneson til lensmann Lars Tøgerson Snøtun.
Han fekk skøyte på heimebruket etter foreldra sine 25. oktober 1830. Dei budde som kårfolk på garden til mora døydde i 1831 og faren i 1854. Lars R. Kronen var gift to gonger, fyrst 20. juni 1836 med Johanna Andersdotter, dotter av Anders Andersson Haugen frå Haugen i Jostedalen. Syskena til Lars og Johanna, Anders Andersson Haugen (1809-1882) og Mari Tøgersdotter, vart òg gifte med kvarandre.
Johanna døydde i barselseng 5. juni 1838. Lars gifte seg deretter med Kirsti Pedersdotter frå Skildeim i Luster 28. juni 1842.
Lars T. Kronen var den andre bonden som vart ordførar i Jostedalen, og han hadde ombodet i tre stutte periodar, fyrst i 1846, så i 1857-1858 og 1868-1869. Sonen Tøger Larsson Kronen var seinare òg ordførar ein stutt periode. Svigerfaren Anders Andersson Haugen hadde dessutan vore setjeordførar i 1850.
Lars og Johanna fekk to born, og ein av dei voks opp:
- Gjertrud Larsdotter (1838-1913), gift med gardbrukar Rasmus Larsson på Nedre Fåberg (1843-1922)
Lars og Kirsti fekk åtte born:
- Tøger Larsson Kronen (1843-1909), som fekk ta over heimebruket
- Peder Larsson (1844-1923), husmann på Øygarden under Kruna
- Johanna Kirstine (Kirstina Larsdotter) (1846-1923), gift og vart buande i Sogndalsfjøra
- Johanna Larsdotter (1848-1919), gift med gardbrukar Johannes Andersson på Grov
- Lars Larsson (1850-1935), husmann på Espestølen under Espe
- Martinus Larsson (1852-1921), ei tid gardbrukar på Bukve i Mjølver
- Nils Larsson (1854-1887), gardbrukar på Kruna
- Christopher Nitter Larsson (1858-1932), landhandlar
Litteratur
- Øyane, Lars E. (1994). Jostedal sokn. Gards- og ættesoge for Luster kommune. (Bd. 5). Gaupne: Luster kommune, s. 822. (Digital utgåve, NBdigital)
| Forgjengar: Michael Sundt Tuchsen Fasting |
Ordførarar i Jostedal kommune |
Etterfølgjar: Christian Bastholm Heltberg |
| Forgjengar: Ole Christian Rasch |
Ordførarar i Jostedal kommune |
Etterfølgjar: Ole Christian Rasch |
| Forgjengar: Ole Christian Rasch |
Ordførarar i Jostedal kommune |
Etterfølgjar: Rasmus Larsson Faaberg |