Laurits Kronen: Forskjell mellom sideversjoner

'''[[Laurits Kronen]]''' (fødd 21. september 1880 i [[Jostedalen]], død 5. mai 1967 i [[Modum]]) var lærar. Han var son av gardbrukar [[Tøger Larsson Kronen]] (1843-1909) og Maria Larsdotter (1853-1908).

Laurits Kronen gjekk [[Sogndal folkehøgskule]] og deretter [[Elverum lærerskole]] der han tok lærareksamen i 1903. Same året vart han tilsett som lærar i [[Jostedalen]]. Frå 1908 var han lærar i Oppdal, men i 1911 kom han og Anna attende til Jostedalen der han no arbeidde som lærar til 1919. Då gjekk turen fyrst attende til [[Sør-Trøndelag]] der Laurits var lærar og kykjesongar i [[Rennebu]] før han vart lærar på [[Vikersund]] i [[Modum]] i 1921. Ekteparet slo seg ned på garden [[Jonsrud]], og her budde dei livet ut.

I arveoppgjeret etter foreldra [[Tøger Larsson Kronen|Tøger]] og Maria fekk eldstesonen Lars heile farsgarden [[Kruna (Jostedalen)|Kruna]], men han selde vidare til i 1911 til svogeren [[Peder Pederson Grov]]. Laurits tok så Kruna på odel (skøyte 26. september 1912), og han og Anna dreiv garden så lenge dei budde i Jostedalen. Eldstsonen Lars gjev i boka ''Indtryk og minder'' ei lite flatterande skildring av faren og oppveksten på Kruna.

Laurits Kronen var engasjert i målsaka og sentral i [[Språkskiftet til nynorsk i Jostedalen|målarbeidet i Jostedalen]] dei to periodane han budde i bygda. Han var styremedlem i [[Jostedal mållag]] frå skipinga i november 1906. Han var truleg òg forfattaren av eit avisinnlegg om folkerøystinga om unionsoppløysinga i Jostedalen i 1905.<ref>[http://www.historielaget.jostedal.no/?page_id=133 1905 i Jostedalen] (Jostedal historielag)</ref> Han var dessutan aktiv i [[Venstre]] og fråhaldsrørsla.

Laurits og Anna fekk i alt elleve born, fire søner og sju døtrer.

* {{folketelling person|pf01036825002532|Lauritz Kronen|1910|Oppdal herred}}