Midtre Fjærland krins

Midtre Fjærland krins (også omtala som Hamrum krins) var ein skulekrins for grendene i midtre del av Fjærland, på begge sidene av fjorden, i Sogndal kommune i Sogn. Tidlegare var denne krinsen, og heile Fjærland, ein del av Balestrand kommune. Frå 1953 vart namnet på krinsen endra til Mundal krins. Frå 1741 hadde Fjærland vore delt i tre krinsar. I starten vart desse kalla: 1) Hamarsnes-Mundal (midtre), 2) Øyjordi-Stølen (indre) og 3) Berge-Rommøren (ytre).

Skulehus

Hamrum skule

I 1877 fekk Midtre Fjærland krins skulehus på Hamrum (Homrane). Klasserommet hadde plass til 24 born og det var knytt til eit «Familiebekvemmelighed med en liten jordvei» til skulehuset. Huset er i dag i privat eige som fridtidsbolig.

Det gamle skulehuset ved Homrane i november 2022. Huset er no i privat eige.

Mundal skule

I 1950 vart det bygd ny skule på Pålsneset, som etter røysting i 1952 fekk namnet Mundal skule. Krinsen vart slege saman med Ytre Fjærland i 1957, men dei heldt fram med vinterskule i Ytre Fjærland fram til 1962-63.

Ei utviding av skulehuset sto ferdig i 1975, då det i tillegg vart bygd symjebasseng ved skulen. Det er i dag både barneskule og barnehage i drift i skulebygga.

Porten til Fjærland skule på Pålsneset i november 2022.

Lærarar

• Frå 1741: Rasmus Olson Bøyum, lærar for alle tre krinsane i Fjærland.
• Frå 1803: Nils Nilsson Henjum, lærar for alle tre krinsane i Fjærland.
• Frå 1821: Hans Olson Flesje, lærar for alle tre krinsane i Fjærland. Vart lærar i Indre Tjugum frå 1838.
• Frå 1838: Eirik Olson Flesje, bror til Hans Olson Flesje, lærar for alle tre krinsane i Fjærland.
• Frå 1849: Ingebrikt Mundal, fram til 1860 var han lærar for alle tre krinsane i Fjærland. Etter 1860 vart han lærar for Indre Fjærland krins (Bøyum-Stølen) og Midtre Fjærland krins (Distad-Bjåstad). Ytre Fjærland krins delte etter dette lærar med Eitorn krins.
• Frå 1896: J. Aarskog

Kjelder og litteratur

Prenta kjelder

• Laberg, Jon (1934) Balestrand - bygd og ætter, s184-199.
• Urtegaard, Gunnar. Bering, Bjørn. Kleppa, Hermund (1989) Soga om grunnskulen 1739-1989. Balestrand kommune.
• Beretning om Folkeskolen i Balestrands Skolekommune Femaaret 1891-1895. Annonce-Tidendes Bogtrykkeri 1897
• Beretning om Folkeskolen i Balestrands Skolekommune Femaaret 1896-1900. John Griegs Bogtrykkeri 1902
• Avgangsvitnesbyrd for Hamrum skule, 1893-1957
• Dagbok for Hamrum skule, 1907-1938
• Dagbok for Hamrum skule og Mundal skule, 1938-1977
• Dagbok for Hamrum skulekrins, 1884-1907
• Avgangsvitnemål for Indre Fjærland skulekrins og Mundal skule, 1932-1964
• Avgangsvitnemål for Mundal skule, 1958-1965, 1972-1977
• Dagbok for Hamrum skule og Mundal skule, 1938-1977
• Dagbok for Indre Fjærland skulekrins og Mundal skule, 1927-1975
• Dagbok for Mundal skule, 1954-1978

Digitale kjelder

• Dei første skulehusa i Sogndal, Allkunne/NRK Fylkesleksikon

Ikkje-prenta kjelder

• Intervju med Sven Bjåstad, 21.11.2022