Rindal kommune

Rindal kommune
Basisdata
Kommunenummer	1567
Fylke	Trøndelag
Kommunesenter	Rindal
Areal	0  km²
Areal land	0  km²
Areal vann	0  km²
Folketall	(2018)
Grunnlagt	1858 – Skilt ut frå Surnadal
Målform	Nøytral
Nettside	Nettside

Rindal kommune er ein kommune i Trøndelag, med namn etter kommunesenteret Rindal. Distriktsmessig hører kommunen til Nordmøre, men har òg tette band til Orkdalen. Han grensar mot Hemne, Orkdal, Meldal, Rennebu, Oppdal og Surnadal. Kommunen er den einaste av nordmørskommunane som ikkje grensar mot havet.

Rindal kommune vart oppretta i 1858, då området vart skilt ut frå Surnadal. I 1949 søkte kommunen om å bli overflytta til daverande Sør-Trøndelag fylke, men dette vart ikkje innvilga. Den 1. januar 2019 gikk kommunen over til Trøndelag fylke.

Folkesetnad

Dalføra til elva Surna med tillaup er nokså tett busette; her er det eit mest samanhengjande jordbrukslandskap. Dei søndre og nordre delane av Rindal er derimot «praktisk talt ubebodde» (Store norske leksikon). Den einaste tettstaden i kommunen er administrasjonssenteret Rindal, med 670 innbyggjarar (2014).

Folketalet i Rindal har gått markant nedover etter andre verdskrigen; i 2015 var det 21 prosent lågare enn i 1946.

Økonomisk utvikling

I Aschehougs konversationsleksikon frå 1924 heiter det at «Den viktigste næringsvei er jordbruk (kvægavl) og skogdrift». I 2010-åra er Rindal framleis ei jordbruksbygd, 10 % prosent av arbeidsplassane i kommunen er i denne sektoren. I tidlegare Sør-Trøndelag fylke er det berre Fræna og Surnadal som har større storfehald. Føresetnaden for kvegavlen i Rindal er dei gode hamnegangane.

Rindal har óg hatt noko industri, og er særleg kjend for skiproduksjonen sin. På 1900-talet hadde bygda tre skifabrikkar på samme tid, Haltli (seinare Rindal-ski), Landsem og Trollski. I Rindal har det dessutan vore garveri, fleire meieri, torvstrøfabrikk og sag- og kvernbruk. På 2000-talet er det trevareindustrien som er viktigast.

Rindal Sparebank starta opp i 1873, og feira 140-årsjubileum i 2013.

Kultur

Dei nedre setrane i Svartådalen i Trollheimen.

Foto: Arnfinn Kjelland (2005)

Rindal skimuseum, som er ein del av Nordmøre museum, formidlar mellom anna historia til skifabrikkane som har vore i verksemd i bygda. Rindal heimbygdlag arbeider med å samle folkeminne, folkemusikk, stadnamn, ord og uttrykk og anna lokalhistorie; laget gir ut eige årsskrift.

Kjelder og litteratur

• Juvkam, Dag: Historisk oversikt over endringer i kommune- og fylkesinndelingen, Statistisk sentralbyrå, Oslo 1999.
• «Rindal» i Aschehougs konversationsleksikon - bind VIII, Kristiania 1924. Digital versjon på Nettbiblioteket
• «Rindal» i Store norske leksikon
• «Rindal» på Wikipedia på bokmål og riksmål
• Tidens Krav: «Vedtatt: Blir del av Trøndelag fra 2019» (publisert 15. juni 2018).

Eksterne lenkjer

• Adresseavisen på Nasjonalbibliotekets nettbibliotek (tilgang i norske bibliotek)