Sykkylven storband: Forskjell mellom sideversjoner

Sykkylven storband vart stifta 20 februar 1976. Men Sykkylven hadde eige storband også under leiing av Carl Tandstad frå 1969. Sykkylven Storband vart et populært storband i Møre og Romsdal. Bandet hadde mange spelejobbar og vart ein drivkraft for jazzmiljøet i Sykkylven fram mot 1990. Etter nokre år  med berre sporadiske prosjekt kom  bandet i fast drift igjen i januar 2003 .

Sykkylven Storband består i dag av musikarar hovudsakeleg frå Sykkylven , men vi har også  medlemar frå nokre nabobygder. Vi er ein gjeng som har stor sans for swingande storbandmusikk og som kvar veke møtes for sosialt samvær og øving.  

Besetninga i eit storband er tradisjonelt 4 trompetar, 4 tromboner, 5 saxofonar og eit komp med bass, gitar, trommer og piano.

Repertoaret inneheld alt frå funk til gamle tradisjonelle storbandlåtar. Vi har også med kvinnelig og mannlig vokalist når det passer.

Etter oppstarten i 2003 har vi delteke på Storbandfestivalen i Ålesund fleire år på rad og vi deltok på Storbandfestival i Tønsberg saman med Hilde Louise Asbjørnsen i 2009.

Storbandet held eigne konsertar og spelar i både bryllup og konferansar.

Et av storbandets stilarrangement var lenge det årlege Romjulsballet som vi arrangerte sammen med Blue Horn Jazzband.  

Storbandet har dei siste åra hatt samarbeidsprosjekt med andre band som t.d. bluesbandet Woodleg Odd`s og Blue Horn Jazz Band, og med artistar som Fredrik Steen, Maria Holand Tøsse, Margrethe Velle Ødegård, Leif Atle Strand, Knut Eilefsen, Hilde Louise Asbjørnsen, Adam Douglas, Frank Bjørdal, Frode Alnes og Elisabeth Andreassen.

Vi søker stadig etter nye utfordringar og spanande samarbeidspartnarar slik at vi kan fornye oss og øke interessa for storbandmusikken , dette også for å sikre framtidig rekruttering og drift av Sykkylven Storband. Mange unge musikktalent har fått sine første erfaringar med jazzmusikken i Sykkylven storband og har seinare satsa på både utdanning og ein musikerkarriere innan jazzen. Vi kan t.d. nemne Kenneth Ekornes som i dag er trommeslager i The Brazz Brothers og Sturla Hauge Nilsen som i dag spelar trompet i Ytre Suløens Jazzensemble.

Storbandet har fleire flotte arrangement under planlegging, og skal m.a. ha konsert saman med  The Brazz Brothers i mars 2013.