Anders Aarsand

Fra lokalhistoriewiki.no
(Omdirigert fra «Anders A. Aarsand»)
Hopp til navigering Hopp til søk
Anders Aarsand
Foto: Norske skolefolk (1952)

Anders Aarsand (fødd 23. februar 1899 i Ænes sokn i Kvinnherad, død 26. oktober 1986) var lærar i Kvinnherad. Han var òg leiar av Ænes sundagsskule og formann i Ænes fråhalds- og helselag.

Han var son av Anders Gotskalksen Aarsand og Dorothea f. Havnerås, Årsand i Kvinnherad. Faren var bonde og laksefiskar. Anders Aarsand tok eksamen ved Stord lærarskule i 1925, etter å ha gått Framnes ungdomsskule og Bakken språk- og handelsskule i Kristiansund (eksamen 1918). Også dei eldre brørne Jens og Odd Aarsand var lærarar.

Som nyutdanna var Aarsand vikar ymse stader, før han i 1931 vart tilsett som lærar ved Hamarhaug skule i heimbygda Kvinnherad. Seinare var han ved krinsen Ænes-Lyngstrand i same bygd.

Anders A. Aarsand var formann i Hamarhaug fråhaldslag og leiar av barnelaget og sundagsskulen i bygda.

Han var gift med Martha f. Haavik (1913-79), dotter av Tørres Haavik og Margrethe f. Vågen.

Kjelder og litteratur

Eksterne lenker