Balestrand krins
Balestrand krins var ein skulekrins i Balestrand kommune i Sogn. I åra 1891-1892 var Balestrand skule ei tredelt skule. I 1893 vart skulen firdelt og var det i alle fall fram til 1900.
Skulehus
Balestrand krins hadde skulestove på Sande i åra 1891-1900. Klasserommet hadde plass til 28 barn. Skulehuset hadde «aftrædelsesværelse». I tillegg høyrde det til familiebustad for læraren og jordveg. I møteboka for tilsynsutvalet i krinsen for 1890-1962 oppgis det at skulejorda på Sande i si tid skal ha vorte kjøpt frå ein Kaptein Jakob Ulledall(?) for 160kr. Grunnsteinen til huset var lagt ned 3. juli 1882.
Småskulen var i eit leigd lokale på Fjærestad med plass til 20 barn.
Skulehuset på Sagatun vart bygd i 1905 og står enno, men er ombygd. Dei fleste dekorasjonane på utsida er fjerna. Huset hadde 2 rom nede, eit stort rom oppe og sløydrom i kjelleren. Innsida er ombygd og brukast i dag som arbeidssenter. Frå 1962 gjekk også borna frå Esefjorden krins på Sagatun.[1]
Skuledagen
Ein gjekk på skulen annankvar dag, også på laurdagar. Skulen begynte 9 og var som regel ferdig i 2-tida. 1. klasse gjekk aleine, mens resten gjekk saman. Dei dreiv ikkje med fysisk avstraffing på Sagatun, og det var heller ingen som blei sendt på gangen. Mulla Kvikne fortel at ho kunne gå heim å spise middag i lunsjtida. Det var ingen ekstraundervisning for dei vanskelegstilte. Songtimane var dei minst populære.
I 1891 vart det votert over korleis avstraffing skulle føregå i krinsen. Lærerane fekk moglegheit til å straffe elevane for foreseelser i skuletida, men det vart stemt mot fysisk avstraffing.[2]
Skulevegen
Skulen ligg sentralt i Balestrand og for dei som budde der, var det kort veg. Det var også mange som hadde lengre skuleveg, spesielt dei som budde i Tuftedalen.
Lærarar
| Etternamn | Fornamn | Fødd | Skule | Tilsett år | Slutta år | Utdanning frå | Merknad |
|---|---|---|---|---|---|---|---|
| Oppedal | Torstein | Sagatun | |||||
| Ese | Johan | Sagatun |
Foto
Fotnotar
Kjelder og litteratur
Prenta kjelder
- Beretning om Folkeskolen i Balestrands Skolekommune Femaaret 1891-1895. Annonce-Tidendes Bogtrykkeri 1897
- Beretning om Folkeskolen i Balestrands Skolekommune Femaaret 1896-1900. John Griegs Bogtrykkeri 1902
- Møtebok for tilsynsutvalet i Balestrand krins, 1890-1962. Digital versjon på Digitalarkivet.no.
- Møtebok for Sagatun kinsutval, 1960-1983. Digital versjon på Digitalarkivet.no.
- Skuleprotokoll for Balestrand skulekrins, 1893-1949. Digital versjon på Digitalarkivet.no.
- Avgangsvitnesbyrd for Sagatun skule, 1914 - 1972. Digital versjon på Digitalarkivet.no.
- Skuleprotokoll for Sagatun skule, 1944 - 1962. Digital versjon på Digitalarkivet.no.
- Dagbok for Balestrand skulekrins, 1893 - 1923. Digital versjon på Digitalarkivet.no.
- Dagbok for Sagatun skule, 1913 - 1937. Digital versjon på Digitalarkivet.no.
- Dagbok for Sagatun skule, 1923 - 1956. Digital versjon på Digitalarkivet.no.
- Dagbok for Sagatun skule, 1937 - 1974. Digital versjon på Digitalarkivet.no.
- Dagbok for Sagatun skule, 1944 - 1976. Digital versjon på Digitalarkivet.no.
- Dagbok for Sagatun skule, 1961 - 1977. Digital versjon på Digitalarkivet.no.
- Dagbok for Sagatun skule, 1962 - 1977. Digital versjon på Digitalarkivet.no.
- Dagbok for Lindane skulekrins og Sagatun skule, 1950 - 1967. Digital versjon på Digitalarkivet.no.