Grip kyrkje
| Grip kyrkje | |
|---|---|
| |
| Foto: | mb.21 |
| Endringar: | 1621 1870-åra 1933 |
| Kyrkjegard: | ved Bremsnes kyrkje |
| Kyrkjesamfunn: | Den norske kyrkja |
| Bispedøme: | Møre |
| Prosti: | Ytre Nordmøre |
| Prestegjeld: | Kristiansund |
| Fellesråd: | Kristiansund |
| Sokn: | Kirkelandet |
| Teknikk: | stavverk |
| Materiale: | tre |
| Altartavle: | Triptych frå Utrecht, 1515 |
| Sitteplassar: | ca. 80 |
Koordinater: 63°13′11.06″ N 7°35′38.11″ Ø
Grip kyrkje (trad. uttale Gripkjerkjå ["gɾi:pˌçerʰçɔ.], dativ Gripkjerkjånn ["gɾi:pˌçerʰçɔɲ.]), ofte omtala som Grip stavkyrkje, er ei stavkyrkje på fiskeværet Grip i Kristiansund kommune på Nordmøre. Kyrkja, som ligg på det høgste punktet på Grip, kring 8 meter over havet, er ei enkel stavkyrkje av møretypen og er datert til kring 1470. Fram til kommunesamanslåinga med Kristiansund kommune i 1964 sokna kyrkja til Kvernes prestegjeld. I 1967 vart ho annekskyrkje til Kirklandet.
Kyrkja vart ombygd i 1621 og i 1870-åra, og i 1933 fikk kyrkja sementfundament og ny utvendig bordkleding. Kyrkja er kjent for altarskåpet sitt, ein triptych frå Utrecht i Nederland frå ca. 1515 med sentralskulptur av jomfru Maria, og med Heilag-Olav og Margareta av Antiokia i fløyene.
På grunn av manglande jordsmonn på Grip var det ikkje kyrkjegard der, og alle gravferder gikk over ope hav til kyrkjegarden ved Bremsnes kyrkje.
Kyrkja var i 1814 valkyrkje for prestegjeldet.
Galleri
Skipet.Foto: Chris Nyborg (2017).
Altarskåpet frå kring 1515.Foto: Chris Nyborg (2017).
Del av veggmåleri, «Jesus og dei ti jomfruane».Foto: Chris Nyborg (2017).
Votivskip, modell av barken «Byfogd Lindahl» frå 1858.Foto: Chris Nyborg (2017).
Ein av stavane med dekor.Foto: Chris Nyborg (2017).
Klokketauet.Foto: Chris Nyborg (2017).
