Lærarkurset i Sogndal 1882
Eit lærarkurs i Sogndal 3.-29. august 1882 var truleg det fyrste kurset i landet der allmugeskulelærarar fekk opplæring i landsmål. Det var Sogndal folkehøgskule ved styraren Henrik Mohn Dahl som skipa til kurset.
Kurset var truleg svært viktig for å spreie dugleik i landsmål og kunnskap om målreisinga utover i bygdene i Sogn. I elevprotokollen og intern korrespondanse vart kurset kalla lærermødet, noko som understrekar at det òg hadde eit politisk og drøftande føremål. Av dei 8 lærarane og kyrkjesongarane som tala for målsakak på det viktige amtslærarmøtet i Vadheim 1884, hadde 6 vore deltakarar på lærarkurset i 1882.
I 1885 heldt folkehøgskulen eit nytt lærarkurs med landsmålsopplæring. Det vart same året òg halde lærarkurs i Trøndelag og på Austlandet. Dei tre kursa fekk då statstilskot, men søknadene førte til eit svært langt og oppheta ordskifte i Stortinget (sjå jamstellingsvedtaket).
Lærarar
Desse hadde føredrag på kurset (tal føredrag i parentes):
- N. A. Dahl (4), rådmann i Bergen
- E. J. Hambro (7), skulestyrar i Bergen
- Christopher Bruun (4), styrar ved Vonheim folkehøgskule
- Jakob Sverdrup (3), sokneprest
- Edvard Sverdrup (3), student
- Johannes Helleland (2), høgskulestyrar
- Henrik Mohn Dahl (12), høgskulestyrar
Elles var det øvingar i landsmål ved lærar Olav Sande, øvingar i song ved lærar Vilhelm Flugeim og øvingar i deklamasjon ved H. M. Dahl.
Deltakarar
Kurset hadde 35 faste mannlege deltakarar og 7 kvinner. 10 menn og 23 kvinner var med stuttare tid, så i snitt var det 60 deltakarar til stades. Deltakaravgifta var 5 kr.
Av dei 100 lærarane i kommunane i Sogn (1880), deltok 33 på lærarkurset. I kommunane Sogndal, Leikanger, og Balestrand møtte så godt som alle lærarar, og elles møtte det lærarar frå Lærdal (5 av 8), Ladvik (2 av 4), Årdal (2 av 4), Luster (2 av 8), Aurland (1 av 6) og Vik (1 av 8). Det møtte ingen frå kommunane Hyllestad, Eivindvik, Kyrkjebø, Brekke, Hafslo og Jostedalen.
Den følgande lista er ei nøyaktig avskrift av elevprotokollen.
| Nr | Namn/overskrift | Stad |
|---|---|---|
| Mænd | ||
| a. faste medlemmer | ||
| 1. | Johannes Engesæter | Sogndal |
| 2. | Lærer Ole J. Brathole | Lyster |
| 3. | Lærer Tomas Kilen | Årdal |
| 4. | Lærer Eirik Mundal | Balestrand |
| 5. | Lærer Jens Mundal | Sogndal |
| 6. | Lærer Simon Ladstein | Finni v. Stavanger |
| 7. | Lærer Knut Byrkjeland | Finni v. Stavanger |
| 8. | Kirkesanger Øvrebø | Balestrand |
| 9. | Kirkesanger Bøtun | Leikanger |
| 10. | Kirkesanger Bremer | Lærdal |
| 11. | Kirkesanger Flesje | Leikanger |
| 12. | Lærer Henrik Børnæs | Masfjorden |
| 13. | Lærer Gullak Fosse | Vossestranden |
| 14. | Lærer Laberg | Lærdal |
| 15. | Kirkes. Sjur Næsse | Sogndal |
| 16. | Lærer Bjordal | Aurland |
| 17. | Kirkes. Elias Ås | Klep (Jæderen) |
| 18. | Kirkes. Arnfinn Refsdal | Vik |
| 19. | Kirkes. Syltevik | Lærdal |
| 20. | Kirkes. Erling Gurvin | Sogndal |
| 21. | Lærer Vammerok | Ladvik |
| 22. | Kirkes. O. Dahle | Balestrand |
| 23. | Seminarist M. Slinde | Sogndal |
| 24. | Lærer Olav Sande | Leikanger |
| 25. | Lærer Vilhelm Flugum | Sogndal |
| 26. | Lærer Ola Bjørkum | Lærdal |
| 27. | Gårdbr. Jan Hovland | Årdal |
| 28. | Kirkesanger Sunde | Stryn |
| 29. | Kirkesanger Tjøn | Leikanger |
| 30. | Lærer Åmund Slinde | Leikanger |
| 31. | Lærer Erling Raunehaug | Sogndal |
| 32. | Lærer P. Urdahl | Lyster |
| 33. | Lærer H. Husum | Lærdal |
| 34. | Lærer A. Holen | Sogndal |
| 35. | Lærer Ola Foss | Sogndal |
| b. tilhørere på kortere tid | ||
| 1. | O. Mæland | Amerika |
| 2. | Lærer M. Åberge | Sogndal |
| 3. | Redaktør M. Skaar | Vikør |
| 4. | Lærer Johnsen | Balestrand |
| 5. | Kristen Eide | Sogndal |
| 6. | Nils Bjørgum | Voss |
| 7. | Lærer Voldal | Sogndal |
| 8. | Lærer Lasse Trædal | Ladvik |
| 9. | Høiskoleforst. Helleland | Ullensvang |
| 10. | Lærer H. Hellen | Balestrand |
| Kvinder | ||
| a. faste medlemmer | ||
| 1. | Mette Dahl | Sogndal |
| 2. | Helene Smith | Sogndal |
| 3. | Britta Bjørge | Voss |
| 4. | Johanna Flesje | Balestrand |
| 5. | Sofie Hambro | Bergen |
| 6. | Anna Sund | Askim |
| 7. | Augusta Engh | Sogndal |
| b. tilhørere i kortere tid | ||
| 1. | Frk. Rosendahl | Bergen |
| 2. | Frk. Vedelbo[?] | Bergen |
| 3. | Frk. Helene Moen | Bergen |
| 4. | Frk. Gina Hambro | Bergen |
| 5. | Kristine Fulgum | Sogndal |
| 6. | Frk. Normann | Stavanger |
| 7. | Fru Meyer | Egersund |
| 8. | Fru Rønneberg | Sogndal |
| 9. | Hanna Meyer | Sogndal |
| 10. | Frk. Hauge | Bergen |
| 11. | Frk. Hauge | Bergen |
| 12. | Frk. Lange | Bergen |
| 13. | Frk. Krog | Bergen |
| 14. | Fru Meyer | Vik |
| 15. | Fru Meyer | Sogndal |
| 16. | Fru Engh | Sogndal |
| 17. | Frk. Dekker | Bergen |
| 18. | Fru Skaar | Vikør |
| 19. | Frk. Marie Farre[?] | Ålborg, Danm. |
| 20. | Margrete Urdahl | Lyster |
| 21. | Marie Schieldrup | Sogndal |
| 22. | Frk. Hermansen[?] | Sogndal |
| 23. | Frk. Lem | Sogndal |
Kjelder
- Sogndal folkehøgskules arkiv, elevprotokoll 1881-1901
- Bondevik, Kjell (red.). (1971). Sogndal folkehøgskule i 100 år - 1871-1971. Sogndal, s. 56.
- Innbyding til kurset, Sogns Tidende 28.4.1882.
'Beretning om Skolevæsenets tilstand i kongeriget Norge for aaret 1880. Norges officielle statistik, ny række, A. No. 1. Kirkedepartementet 1884.
|
Lærarkurset i Sogndal 1882 er del av prosjektet Språkskifte i norske kommunar 1892-2013 som er komme i stand i samband med Språkåret 2013. Artiklane i denne serien er tilgjengelege i denne kategorien. |