Søren Schive (1795–1876)
Søren Schive (født 21. juli 1795, død 1876) var sokneprest i Tinn og Sørum.
Virke
Schive vart født i Kristiansand, og var son av lærar ved Kristiansand latinskule Søren Martinus Schive (1771–1827) og kona Helene Fredrikke Dochedal. Han fekk god utdanning: Han gikk i skule hos far sin til sitt fjortende år, seinare på Kristiansands skule, og frå januar 1814 i Kristiania latinskule. Faren var da blitt sokneprest til Ringebu.
I 1822 tok Schive teologisk embetseksamen, og same år vart han ordinert av biskop Frederik Julius Bech. Han virka som kapellan noen år fram til han vart utnemnt til sokneprest i Tinn prestegjeld i 1829, der han vart verande i nesten tjue år. Frå 1848 var han au prost i Øvre Telemark prosti.
4. september 1836 innvigde han nye Atrå kyrkje på vegne av biskop Sigvardt.[1]
28. oktober 1848 vart Schive sokneprest i Sørum prestegjeld, der han vart verande enda lenger enn i Tinn, heilt til 1870.[2] I Sørum var han også formann i skulestyret i den tida han var sokneprest.[3]
I 1871 tok han avskjed som sokneprest og flytta til Kristiania, der han vart buande resten av livet. I 1875 budde han som enkjemann med to av døtrene i St. Hallvards gate 5.
Familie
Schive vart gift 3. juni 1823 med Marthe Marie Arup (1790-), som var syster til biskop Jens Lauritz Arup. Dei fekk iallfall tre born:[4]
- Helene Fredrikke, født ca 1823 i Øyer.
- Søren, født ca 1825 i Øyer, død 1865.
- Conradine, født ca 1826 i Øyer.
Fotnotar
Litteratur og kjelder
- Einung, Halvor H.: Tinn soga. B. 1. Rjukan. 1926. Digital versjon på Nettbiblioteket.
- Horgen, Jan Erik. Midtbygda, bind 2 av Sørum bygdebok. Bosettings- og næringshistorie. Utg. Sørum kommune 2005.
- Rudie, Gunnar og Olaf Børke (red.). Sørum herred: Sørum og Frogner sogn på Romerike, bind 1. Sørum, 1972. Digital versjon på Nettbiblioteket.
- Kristiansand, Ministerialbok nr. A 3 (1778-1818), Fødte og døpte 1795, side 458-459
- Søren Schive i folketeljinga 1801 for Meldal prestegjeld frå Digitalarkivet.
- Søren Schive i ministerialbok for Ringebu prestegjeld 1821-1839 fra Digitalarkivet (giftemål).
- Søren Schive i folketeljinga 1865 for Sørum prestegjeld frå Digitalarkivet.
- Søren Schive i folketeljinga 1875 for Kristiania kjøpstad frå Digitalarkivet.