Traen (Tinn gnr 69)

Traen
Alt. namn:	Train
Fyrst nemnd:	1574?
Sokn:	Atrå
Fylke:	Telemark
Kommune:	Tinn
Gnr.:	69

Traen er ein matrikkelgard i Atrå sokn i Tinn kommune. I Tinn soga (s. 312) skriv Halvor H. Einung at namnet tyder opptråkka plass. «Truleg det eingong i tidi har vori ei hegne - eit vårbøle under storgarden Mårheim».

I 1574 er Traen nemnd som kyrkjegods. Brukar frå om lag 1676 til 1703 var den kjende klokkaren Søren Nilsson Traen. Etter at ålmugen i 1723 kjøpte kyrkjegodset, løyste den dåverande brukaren, Hellek Jonsson Mårheimsrud, ut garden og vart sjølveigar.

Johannes Olsson Sud Mårheim kjøpte garden i 1843.

Bruk

• Traen (bnr. 1)
• Åmogen (bnr. 2), låg opphaveleg til Sud Mårheim, men vart lagt under Traen i samband med at Johannes Olsson kom hit i 1843. Staden vart sjølveigarbruk i 1887.

Storekås (gnr 66) vart kjøpt innåt frå Sud Mårheim i 1786 og brukt som husmannsplass under Traen.

Kjelder

• Einung, Halvor H.: Tinn soga. B. 2. Rjukan. 1953. Digital versjon på Nettbiblioteket, s. 312-315.
• Train i folketeljinga 1801 for Tinn prestegjeld frå Digitalarkivet