Vågsøy kommune
| Vågsøy kommune | |
|---|---|
| |
| Basisdata | |
| Kommunenummer | 1439 |
| Fylke | Sogn og Fjordane |
| Kommunesenter | Måløy |
| Areal i km²(2020) | 176,66 km² |
| Folketal 2020 | 6001 (2018) |
| Grunnlagt | 1964 |
| Opphørte | 2020 |
| No del av | Stad kommune |
| Målform | Nynorsk |
Vågsøy kommune låg i Sogn og Fjordane, og var fylkets minste kommune etter areal. Administrasjonssenteret var tettstaden Måløy. Det fanst fire andre tettstader i kommunen: Raudeberg, Holevik, Vågsvåg og Bryggja. Kommunen vart oppretta i 1964, då Sør-Vågsøy, Nord-Vågsøy og nordsida av Nordfjord vart samanslegne. Husevågøy og Gangsøy vart overførte frå Davik, medan Silda vart overført frå Selje. I samband med Kommunereforma 2014-2018 vedtok kommunane Vågsøy og Flora å slå seg saman til nye Kinn kommune, med verknad frå 1. januar 2020. Vågsøy og Flora har ikkje felles grense.
Fiske var ein viktig næringsveg, og Vågsøy var fylkets største fiskerikommune etter levert fangst. Industrien er i stor grad retta mot fisket, men det har i seinare år óg kome ein del teknologiverksemder til Vågsøy.
Frå 1960-talet hadde Vågsøy svak nedgang i folketalet. I tiårsbolken 1996–2006 sank det med 5,8 %.
Kystkultur
Kommunen hadde fire fyrstasjonar, nemleg Hendanes fyrstasjon, Kråkenes fyrstasjon, Skongenes fyrstasjon og Ulvesund fyrstasjon.
Kjelder
- Vågsøy - kommune i Store norske leksikon
- Vågsøy på Wikipedia på bokmål og riksmål
- Tettsteder. Folkemengde og areal, etter kommune. 1. januar 2012 frå SSB
|
