Jernvegen 29 (Bykle)

Jernvegen 29 er ein bustadseigedom på Hovden i Bykle kommune. Dette huset vart oppført i 1995. Husbyggjaren var:

• Karl Herman Haugland, f 1972

Jernvegen 29
Utskilt:	1995
Stad:	Hovden
Sokn:	Bykle
Fylke:	Agder
Kommune:	Bykle
Gnr.:	2
Bnr:	641
Type:	Bustadseigedom

Han budde på Hovden i perioden 1991-1999, og hadde ymist arbeid i turistnæringa. I det sistnemnde året flutte han til heimbyen Kristiansand, der han (januar 2005) arbeidar som redningsmann på luftambulanse. I år 2000 skaffa han seg hytte på Hartevasstrondi, bnr 261. Huset sitt her selde han til den neste som budde her:

• Ann Helen Kaarvann Berntzen, f 1967

Barn:

• Hilmar Børge Wollan, f 1991

Ann Helen er dotter åt Gunveig Kaarvann og Knut Berntzen. Medan ho budde her arbeidde ho ved Skisenteret. Pål, bror hennes, bur i Jernvegen 7, og vert presentert der. I 2005 flutte ho til einkvarstad i nærleiken av Oslo, og selde då huset sitt her til familien Garry.

• Sean Garry, f 1967

g m Inger Lise Bjåen, f 1967. Born:

• Jack, f 2003

Sean er snikkar av yrke. Han reknar seg som irsk, men foreldra, Elizabeth og Seamus Garry, bur i England. Inger Lise er dotter åt Åsne Sveinsdotter Bjåen (sjå Bergli, gnr 1, bnr 95), og arbeider ved HovdenFerie. Fyre dei flutte til Hovden budde dei i Dublin.

I sokkeletasjen har Inger Lise og Sean ei utleigeilighet. Han som bur her (2006) flutte hit frå Valle, men er fødd i Bykle. Han arbeider i byggjevareforretninga på Hovden:

• Asbjørn Tronsen, f 1984

Asbjørn er son til Arne Tronsen og Gunnveig Kaarvann.