Solheim (Bykle gnr 14/36)
Solheim, som ligg ved vegen omlag 300 m vestom Bykle kyrkje, vart matrikulert og utskilt frå Utistog i 1964, men huset her kom opp i 1945. Det er i 2 fulle høgder og har ei grunnflate på 96 m².
| Solheim | |
|---|---|
| |
| Solheim 31.1.2006. Foto: Aanund Olsnes
| |
| Rydda: | 1945 |
| Utskilt: | 1964 |
| Stad: | Bykle (Kyrkjebygdi) |
| Sokn: | Bykle |
| Fylke: | Agder |
| Kommune: | Bykle |
| Gnr.: | 14 |
| Bnr: | 36 |
| Type: | Bustadeigedom |
Han som bygde her, var Kjetil Løyning. Foreldra hans var Sigbjørn Knutsson Løyning og kona, Marta Sjursdotter (sjå Løyning, gnr 6, bnr 4).
- Kjetil Sigbjørnsson Løyning, f 1914, d 1990
- g 1946 m Birgit Arnesdtr. Bjørgum, f 1922. Born:
- Ingrid, f 1951, g 1985 m Bernt Einar Berntsen, sjå Kyrkjelii 4, gnr 13, bnr 33
Birgit Arnesdotter var fødd og oppvakse på Rysstad. Foreldra hennes var Arne Torleivsson Bjørgum og kona, Ingebjørg Torsdotter Hovet (jfr. Valle II, 42).
Kjetil arbeidde med å køyre eigen lastebil. Då dottera og mannen hennes hadde ferdig huset sitt i Kyrkjelii i 1988, flutte Kjetil og Birgit til dei. Kjetil døydde der i 1990. Huset her vart i 1989 selt til Martin Andreas Olsen frå Mandal.
- Martin Andreas Olsen, f 1949, slaktar
- g 1970 m Jorunn Knutsdotter Stavenes, f 1952, d 1998. Born:
Jorunn var frå Systog Stavenes, og dotter åt Knut Bjørgulvsson Stavenes og kona, Eli Folkesdotter, fødd Nesland.
Etter at Jorunn døydde i 1998 har Solheim stått tomt. Martin Andreas Olsen bur i Mandal.
|
Solheim (Bykle gnr 14/36) er basert på ein artikkel i Heimar og folk i Bykle av Aanund Olsnes, og lagt ut under lisensen cc-by-sa. Denne digitale utgåva av gards- og ættesoga for Bykle kommune er eit samarbeid mellom kommunen og Norsk lokalhistorisk institutt. Lokalhistoriewikis brukere kan fritt redigere og utvide artikkelen. Ein kan også melde frå på epost til byklesoga(krøllalfa)bykle.kommune.no. Sjå også: Forside • Føreord • Innleiiing • Litteratur og kjelder Førre bolk: Evre Haugen • Neste bolk: Muren |