Indre Fjærland krins

Indre Fjærland skulehus slik det så ut hausten 2022. Huset er i dag i bruk som bygdehus.

Grunnmuren frå eit eldre skulehuset ligg i dag bak dagens bygg.

Kartutsnitt frå fylkesatlas.no

Foto: Sogn og Fjordane fylkeskommune og Fylkesmannen i Sogn og Fjordane

Indre Fjærland krins var ein skulekrins i Sogndal kommune i Sogn. Tidlegare var denne krinsen, og heile Fjærland, ein del av Balestrand kommune. Krinsen har eksistert som ein av tre krinsar i Fjærland sokn sidan 1741. Først dekka krinsen områda frå Øyjordi til Stølen. Etter 1860 snakka dei om området Bøyum-Stølen.

Skulehus

I 1891-1900 var det skulestove på Skarestad. Klasserommet hadde plass til 28 born og hadde eit "aftrædelsesværelse".

Skuledagen

I 1890 tok krinsen opp spørsmålet om fysisk avstraffing. Det var då beslutta at "læreren skald have myndighed til at tildele barnet ris".

Krinsen ytra i 1907 ønske om at opplæringa i skulen skulle foregå på landsmål.

Lærarar

• Frå 1741: Rasmus Olson Bøyum, lærar for alle tre krinsane i Fjærland.
• Frå 1803: Nils Nilsson Henjum, lærar for alle tre krinsane i Fjærland.
• Frå 1821: Hans Olson Flesje, lærar for alle tre krinsane i Fjærland. Vart lærar i Indre Tjugum frå 1838.
• Frå 1838: Eirik Olson Flesje, bror til Hans Olson Flesje, lærar for alle tre krinsane i Fjærland.
• Frå 1849: Ingebrikt Mundal, fram til 1860 var han lærar for alle tre krinsane i Fjærland. Etter 1860 vart han lærar for Indre Fjærland krins (Bøyum-Stølen) og Midtre Fjærland krins (Distad-Bjåstad). Ytre Fjærland krins delte etter dette lærar med Eitorn krins.
• Frå ????: Erik Mundal, vart seinare styrar for Sogns barnehjem.
• Frå 1901: Johannes Bøyum, først ansatt som vikar for Erik Mundal.

Kjelder og litteratur

Prenta kjelder

• Laberg, Jon (1934) Balestrand - bygd og ætter, s184-199.
• Beretning om Folkeskolen i Balestrands Skolekommune Femaaret 1891-1895. Annonce-Tidendes Bogtrykkeri 1897
• Beretning om Folkeskolen i Balestrands Skolekommune Femaaret 1896-1900. John Griegs Bogtrykkeri 1902
• Avgangsvitnemål for Indre Fjærland skulekrins, 1932-1964
• Avgangsvitnesbyrd for Indre Fjærland skulekrins 1893-1931
• Dagbok for Indre Fjærland skulekrins og Mundal skule, 1927-1975
• Dagbok for Indre Fjærland skulekrins, 1900-1927
• Dagbok for Indre Fjærland skulekrins, 1918-1965
• Møtebok for tilsynsutvalet i Indre Fjærland skulekrins, 1890-1963
• Rekneskapsbok for Indre Fjærland skuleboksamling, 1949-1968
• Skuleprotokoll for Indre Fjærland skulekrins, 1892-1947
• Tilvokstsliste og rekeneskapsbok for Indre Fjærland skuleboksamling, 1942-1963
• Utlånsbok for Indre Fjærland skuleboksamling, 1961-1982